٣٦٨٧٣۔۔۔ ” مسند صدیق “ محمد بن ابراہیم بن حارث تیمی کی روایت ہے جب رسول اللہ (صلی اللہ علیہ وآلہ وسلم) کی وفات ہوگئی اور ابھی دفنائے نہیں گئے تھے حضرت بلال (رض) نے اذان دی اور جب اشھد ان محمد ا رسول اللہ کہتے تو مسجد میں لوگوں پر گریہ طاری ہوجاتی جب رسول اللہ (صلی اللہ علیہ وآلہ وسلم) دفن کر دئیے گئے بلال (رض) سے ابوبکر (رض) نے فرمایا : اذان دو بلال (رض) نے کہا : اگر آپ نے مجھے اس لیے آزاد کیا ہے کہ میں آپ کے ساتھ رہوں تو بلاشبہ آپ کو اس کا حق حاصل ہے اور اگر مجھے محض اللہ کے لیے آزاد کیا ہے تو پھر میرا راستہ چھوڑ دیں ابوبکر (رض) نے فرمایا : میں نے تمہیں محض اللہ کے لیے آزاد کیا ہے بلال (رض) نے کہا : میں رسول اللہ (صلی اللہ علیہ وآلہ وسلم) کے بعد کسی کے لیے اذان نہیں دوں گا ابوبکر (رض) نے فرمایا : ٹھیک ہے اس کا تمہیں اختیار ہے بلال (رض) نے مدینہ میں اقامت اختیار کی اور جب فتوحات شام کے لیے لشکروں کا خروج ہونے لگا بلال (رض) لشکروں کے ساتھ ہوئے اور شام میں جا پہنچے (رواہ ابن سعد)