٣٦٩٠٣۔۔۔ محمد بن احمد، نضر بن سلمہ مروزی شاذان ، عبد الرحمن بن خالد بن عثمان بن محمد بن عثمان بن ابی راشد ، اپنے آباؤ اجداد کی سند سے ابو راشد ازدی (رض) کہتے ہیں : میں اور میرا بھائی ابو عاصیہ ازر سے رسول اللہ صلی اللہ علیہ کی خدمت میں حاضر ہوئے ہم سب نے اسلام قبول کیا رسول اللہ (صلی اللہ علیہ وآلہ وسلم) نے جمیع ازدیوں کے لیے ایک نوشتہ لکھ کر میرے سپرد کیا جس کا مضمون یہ ہے کہ : محمد رسول اللہ (صلی اللہ علیہ وآلہ وسلم) کی طرف سے اس شخص کی طرف جس پر خط پڑھا جائے جو گواہی دیتا ہو کہ اللہ کے سوا کوئی معبود نہیں اور محمد اللہ کے رسول ہیں نماز قائم کرے اس کے لیے اللہ اور اس کے رسول کا امان ہے یہ خط عباس بن عبد المطلب نے لکھا تھا۔ (رواہ ابن عساکر عقیلی کہتے ہیں نصر بن سلمہ جھوٹا کذاب سے اپنی طرف سے حدیثیں گھڑ لیتا تھا۔ (رواہ الدولابی فی النی)