٣٦٩٠٤۔۔۔ ابو العباس ویعد بن حماد بن جابر ابو عثمان عبد الرحمن بن خالف بن عثمان ، ابو خالد بن عثمان، عثمان بن محمد، محمد بن عثمان بن عبد الرحمن عثمان بن عبد الرحمن کی سند سے ابو راشد عبد الرحمن بن عبید (رض) کی روایت ہے وہ کہتے ہیں : میں اپنی قوم کے سو (١٠٠) آدمیوں کے ساتھ نبی کریم (صلی اللہ علیہ وآلہ وسلم) کی خدمت میں حاضر ہوا جب ہم آپ کے قریب پہنچے تو آپ نے مجھے فرمایا : اے ابو مغویہ، آگے بڑھو۔ چونکہ آگر تم اپنی محبوب چیز دیکھو گے ہمارے پاس واپس لوٹ گئے اور اگر اپنی محبوب چیز نہیں دیکھو گے واپس نہیں لوٹو گے۔ میں رسول اللہ (صلی اللہ علیہ وآلہ وسلم) کے قریب تر ہوگیا جب کہ میں اپنی قوم کے افراد میں سے سب سے چھوٹا تھا۔ میں نے کہا : یا محمد ! آنعم صیاحا (یہ لفظ جاہلیت کا سلام سمجھا جاتا تھا) یعنی صبح بخیر نبی کریم (صلی اللہ علیہ وآلہ وسلم) نے فرمایا یہ مسلمانوں کا سلام نہیں ہے، میں نے عرض کیا : یا رسول اللہ ! پھر مسلمانوں کا سلام کیا ہےَ فرمایا : جب مسلمانوں کے پاس جاؤ تو کہو : السلام علیکم و رحمۃ اللہ میں نے کہا : السلام علیکم یا رسول اللہ و رحمۃ اللہ جواب میں فرمایا ” وعلیک السلام و رحمۃ اللہ وبرکاتہ “ نبی کریم (صلی اللہ علیہ وآلہ وسلم) نے مجھے فرمایا : تمہارا کیا نام ہے ؟ میں نے عرض کیا : میدا نام ابو مغویہ عبد الات والعزی ہے نبی کریم (صلی اللہ علیہ وآلہ وسلم) نے فرمایا : بلکہ تمہارا نام ابو راشد عبد الرحمن ہے۔ آپ نے میرا اکرام کیا اور مجھے اپنے پاس بٹھایا اپنی چادر مجھے پہنائی اپنے جوتے مجھے عطا کیے اور اپنا عصا بھی مجھے دیا میں نے اسلام قبول کرلیا، حاضرین میں سے بعض لوگوں نے نبی کریم (صلی اللہ علیہ وآلہ وسلم) سے عرض کیا : یا رسول اللہ ! ہم دیکھتے ہیں کہ آپ نے اس شخص کا اکرام کیا ہے ، رسول اللہ (صلی اللہ علیہ وآلہ وسلم) نے فرمایا : چونکہ یہ قوم کا شریف آدمی ہے جب تمہارے پاس کسی قوم کا شریف آدمی آئے اس کا اکرام کرو۔ ابو راشد (رض) کہتے ہیں : میرے ساتھ میرا غلام ” سرخان “ بھی تھا وہ بھی میرے ساتھ اسلام لے آیا نبی کریم (صلی اللہ علیہ وآلہ وسلم) نے فرمایا : تمہارے ساتھ یہ کون ہے ؟ میں نے عرض کیا : یہ میرا غلام سرخان ہے، نبی کریم (صلی اللہ علیہ وآلہ وسلم) نے فرمایا : اے ابو راشد کیا تم اسے آزاد کرسکتے ہو ؟ اللہ تعالیٰ اس کے بدلہ میں تمہارے ہر عضو کو دوزخ کی آگ سے آزاد فرمائے گا ابو راشد (رض) کہتے ہیں : میں نے غلام آزاد کردیا : اور عرض کیا : یا رسول اللہ ! میں آپ کو گواہ بناتا ہوں کہ یہ اللہ تعالیٰ کی رضا کے لیے آزاد ہے پھر میں اپنے ساتھیوں کی طرف واپس لوٹ آیا اور انھوں نے بھی نبی کریم (صلی اللہ علیہ وآلہ وسلم) کی خدمت میں
حاضر ہو کر اسلام قبول کیا۔ (رواہ ابن عساکر)