٣٧١٣٥۔۔۔ عبید بن عمیر (رض) کہتے ہیں : رسول اللہ (صلی اللہ علیہ وآلہ وسلم) دنیا سے رخصت ہوئے تو حضرت عتاب بن اسید (رض) مکہ کے گورنر تھے جب انھیں نبی کریم (صلی اللہ علیہ وآلہ وسلم) کی وفات کی خبر پہنچی مسجد میں اہ بکا کی آوازیں بلند ہوئیں عتاب (رض) اٹھے اور مکہ کی گھاٹیوں میں سے ایک گھاٹی میں جاگھ سے حضرت سہیل بن عمرو عتاب (رض) کے پاس گئے اور کہا : مسجد میں تشریف لائیں اولوگوں سے بات کریں عتاب (رض) نے کہا : رسول اللہ (صلی اللہ علیہ وآلہ وسلم) کی وفات کے ہوتے ہوتے میں لوگوں سے کلام کرنے کی طاقت نہیں رکھتا۔ سہیل (رض) نے کہا : میرے ساتھ چلئے میں آپ کی کفایت کروں گا، دونوں چل پڑے اور مسجد میں آگئے سہیل (رض) لوگوں سے خطاب کرنے کھڑے ہوئے اور حمد وثناء کے بعد بالکل ایسا ہی خطاب کیا جیسا کہ مدینہ میں ابوبکرصدیق (رض) نے کہا تھا اس میں ذرہ برابر بھی کمی زیادتی نہیں کی حضرت سہیل بن عمرو (رض) غزوہ بدر کے موقع پر قیدیوں میں شامل تھے، ان کے متعلق رسول کریم (صلی اللہ علیہ وآلہ وسلم) نے حضرت عمر (رض) سے فرمایا : تم اس کے دانت نکالنے کے درپے ہوگئے ہو ؟ اسے چھوڑو عنقریب اللہ تعالیٰ اسے ایسے مقام پر کھرا کرے گا جو تجھے خوش کردے گا چنانچہ آپ کی بات یوں پوری ہوئی یہ وہی مقام ہے جس ہر آج سہیل بن عمرو (رض) کھڑے ہوئے اور عتاب (رض) کی گورنری ضبط ہو کررہ گئی۔ (رواہ سیف وابن عساکر)