٣٧٢٦٧۔۔۔” ایضا “ حضرت سعد (رض) کہتے ہیں : جب نبی کریم (صلی اللہ علیہ وآلہ وسلم) مدینہ منورہ تشریف لائے تو قبیلہ جہینہ آپ کی خدمت میں حاضر ہوا انھوں نے عرض کیا : آپ ہمارے درمیان اترے ہیں لہٰذا آپ ہمارے کو استوار کرجائیں تاکہ آپ ہم پر بھروسہ کریں اور ہم آپ پر چنانچہ نبی کریم (صلی اللہ علیہ وآلہ وسلم) نے ان کے لیے میثاق لکھ دیا جب کہ یہ قبیلہ ابھی اسلام نہیں لایا تھا۔ رسول اللہ (صلی اللہ علیہ وآلہ وسلم) نے ہمیں ماہ رجب میں کنانہ کی ایک بستی پر غارتگری ڈھانے بھیجا یہ بستی جہینہ کے پاس ہی آباد تھی ہماری تعداد سو سے زیادہ نہیں تھی جب کہ وہ ہم سے زیادہ تھے ہم نے انھیں لوٹا ہم جہینہ میں آکر ٹھہرے جہینہ کے لوگوں نے پوچھا : تم نے حرمت والے مہینے میں قتال کیوں کیا ہے ؟ ہم نے کہا : ہم نے تو ان لوگوں سے قتال کیا ہے جنہوں نے ہمیں حرمت والے مہینے میں حرمت والے شہر سے نکالا ہے اس متعلق ہم ایک دوسرے سے چہ میگوئیاں کرنے لگے کہ تمہارا کیا خیال ہے ؟ صحابہ (رض) نے کہا : ہمیں رسول اللہ (صلی اللہ علیہ وآلہ وسلم) کے پاس جاکر انھیں خبر کرنی چاہیے۔ جب کہ بعض صحابہ (رض) نے کہا : نہیں بلکہ ہمیں یہیں قیام کرنا چاہیے میں نے کہا جب کہ میرے ساتھ بھی کچھ لوگ تھے نہیں بلکہ ہمیں قریش کے اس قافلہ کے پاس جانا چاہے اور انھیں لوٹنا چاہیے ہم قریش کے قافلہ کو لوٹنے چل پڑے جب کہ ہمارے دوسرے ساتھی نبی کریم (صلی اللہ علیہ وآلہ وسلم) کی طرف چل پڑے انھوں نے آپ کو سارا واقعہ سنایا آپ (صلی اللہ علیہ وآلہ وسلم) سخت غصہ میں سرخ کے ساتھ اٹھ کھڑے ہوئے اور فرمایا : تم میرے پاس سے اکٹھے گئے تھے اور اب جدا جدا واپس لوٹ رہے ہو۔ تم سے پہلی قوموں کو تفرقہ نے ہلاک کیا ہے۔ البتہ میں تمہارے اوپر ایسے شخص کو امیر مقرر کرتا ہوں جو بھوک اور پیاس پر زیادہ سے زیادہ صبر کرتا ہے چنانچہ آپ (صلی اللہ علیہ وآلہ وسلم) نے حضرت عبداللہ بن جحش اسدی (رض) کو ہمارا امیر مقرر کیا اور یہ اسلام میں پہلے امیر مقرر کئے گئے تھے۔ (رواہ ابن ابی شیبۃ)