٣٧٢٦٨۔۔۔” مسندادرع “ ادرع (رض) کہتے ہیں : ایک رات میں رسول اللہ (صلی اللہ علیہ وآلہ وسلم) کا پہر دیتے حاضر ہوا یکایک میں بآواز بلند کسی شخص کی قرات سنی نبی کریم (صلی اللہ علیہ وآلہ وسلم) باہر تشریف لائے میں نے عرض کیا : یارسول اللہ ! یہ دکھلاوہ ہے فرمایا : یہ عبداللہ ذوالبجادین ہے چنانچہ حضرت عبداللہ ذوالبجادین (رض) نے مدینہ میں وفات پانی ان کی تجہیزو تکفین کے لیے صحابہ (رض) پریشان ہوئے اور ان کی میت دیر تک روکے رکھی نبی کریم (صلی اللہ علیہ وآلہ وسلم) نے فرمایا : اس کے ساتھ نرمی کرو اللہ تعالیٰ نے اس کے ساتھ نرمی کی ہے۔ چونکہ یہ اللہ اور اس کے رسول سے محبت کرتا تھا پھر ان کے لیے قبر کھودی گئی فرمایا : اس کے لیے گشادگی کرو اللہ تعالیٰ نے اس پر گشادگی کی ہے۔ بعض صحابہ (رض) نے عرض کیا یارسول اللہ (صلی اللہ علیہ وآلہ وسلم) آپ اس پر غمزدہ ہورہے ہیں۔ فرمایا : جی ہاں۔ چونکہ یہ اللہ اور اس کے رسول سے محبت کرتا تھا۔ (رواہ ابن ماجہ والبغوی وابن مندہ وقال غریب لایعرف الامن ھذالوجہ و ابونعیم فی مسندہ موسیٰ بن عبیدہ الترمذی ضعیف )
کلام :۔۔۔ حدیث ضعیف ہے دیکھا ضعیف ابن ماجہ ٣٤٢ نیز اس کی سند میں موسیٰ بن عبیدہ ربذی ضعیف روای ہے۔