٣٧٢٧٩۔۔۔ محمد بن قاسم طائی ابوالقاسم خمصی روایت نقل کرتے ہیں کہ عبداللہ بن بسر (رض) کہتے ہیں : میرے والد اور والدہ ہجرت کرکے نبی کریم (صلی اللہ علیہ وآلہ وسلم) کی خدمت میں حاضر ہوئے نبی کریم (صلی اللہ علیہ وآلہ وسلم) نے میرے سر پر دست پھیرا اور ارشاد فرمایا : یہ لڑکا ایک قرن تک زندہ رہے گا میں نے عرض کیا یارسول اللہ (صلی اللہ علیہ وآلہ وسلم) میرے ماں باپ آپ پر قربان جائیں ! قرن کتنا ہوتا ہے ؟ ارشاد فرمایا : ایک سو سال ۔ ایک مرتبہ عبداللہ (رض) نے فرمایا : میں اپنی عمر کے پچانوے (٩٥) سال گزاردیئے ہیں اور پانچ (٥) سال نبی کریم (صلی اللہ علیہ وآلہ وسلم) کے فرمان کو پورا ہونے میں باقی رہتے ہیں۔ محمد بن قاسم کہتے ہیں ہم پانچ سال گنتے رہے پھر عبداللہ (رض) وفات پاگئے۔ (رواہ ابن مندہ وابن عساکر)