٣٧٢٨٠۔۔۔” ایضا “ نبی کریم (صلی اللہ علیہ وآلہ وسلم) خچر پر سوار ہو کر عبداللہ بن بسر (رض) کے پاس تشریف لائے عبداللہ بن بسر (رض) کہتے ہیں ہم خچر کو شامی گدھا کہتے تھے رسول اللہ (صلی اللہ علیہ وآلہ وسلم) اور آپ کے صحابہ (رض) اندر تشریف لائے میری والدہ کھڑے ہوئیں اور آپ کے لیے گھر میں چٹائی پر چادر بچھائی جب آپ چادر پر بیٹھے چادر چٹائی کے ساتھ چپک گئی والد صاحب نے انھیں کھجوریں پیش کیں تاکہ ان میں مشغول رہیں والد نے میری والدہ کو حشیش (کھجوروں سے تیار کیا جانے والاکھانا) تیار کرنے کا کہا جبکہ میں والد صاحب اور والدہ کے درمیان خدمت گذاری کررہا تھا جب کہ والد صاحب رسول اللہ (صلی اللہ علیہ وآلہ وسلم) اور صحابہ کرام (رض) کے پاس کھڑے تھے جب والدہ محترمہ نے کھانے تیار کرلیا میں اٹھا کرلے آیا اور آپ کے سامنے رکھ دیا آپ نے اور صحابہ (رض) نے مل کر تناول فرمایا۔ پھر والد صاحب نے مہمانوں کو مشروب پلایا اور پلانے میں دائیں طرف سے شروع کیا۔ پھر جب مشروب ختم ہوا میں نے جام لے لیا اور دوبارہ اسے بھرلایا اور رسول اللہ (صلی اللہ علیہ وآلہ وسلم) کو پیس کیا آپ نے فرمایا : اس شخص کو دو جس کے پاس جام ختم ہوا ہے جب آپ کھانے پینے سے فارغ ہوئے ہمارے لیے دعا فرمائی۔ یا اللہ ! ان پر رحم فرما اور ان کی بخشش فرما اور ان کے رزق میں برکت عطا فرما۔ چنانچہ ہمیں رزق میں وسعت ہمیشہ دیکھنے میں ملی۔ (رواہ الطبرانی عن عبداللہ بن بسر)