٣٧٣٥٠۔۔۔ ابن مسعود (رض) کہ روایت ہے کہ رسول کریم (صلی اللہ علیہ وآلہ وسلم) نے حضرت عمر بن خطاب (رض) کو وصولی صدقات کے لیے بھیجا حضرت عمر (رض) کی سب سے پہلے عباس (رض) سے ملاقات ہوئی اور ان سے مطالبہ کیا کہ اے ابوالفضل اپنے مال کی زکوۃ لائیں عباس (رض) نے حضرت عمر (رض) کو سختی سے چند باتیں سنائیں حضرت عمر (رض) نے کہا : اللہ کی قسم ! اگر رسول اللہ (صلی اللہ علیہ وآلہ وسلم) کے ہاں تمہارا مرتبہ نہ ہوتا میں تمہیں اس کا ضرور بدلہ دیتا۔ پھر دونوں حضرات اپنے اپنے راستے پر الگ الگ ہوگئے حضرت عمر (رض) حضرت علی کے پاس آئے اور انھیں ماجرا سنایا حضرت علی (رض) حضرت عمر (رض) کا ہاتھ پکڑا اور نبی کریم (صلی اللہ علیہ وآلہ وسلم) کے پاس لے گئے حضرت عمر (رض) نے عرض کیا : یارسول اللہ ! آپ نے مجھے صدقات کا عامل مقر کرکے بھیجا تھا عباس (رض) سے میری ملاقات ہوئی میں نے ان سے کہا : اے ابوالفضل ! اپنے مال کا صدقہ لائیں انھوں نے مجھے ایسی ایسی باتیں سنائیں اور مجھ پر غصہ کیا۔ میں نے کہا : بخدا ! اگر رسول اللہ (صلی اللہ علیہ وآلہ وسلم) کے ہا اں تمہارا مقام نہ ہوتا میں تمہیں اس کا بدلہ دیتا۔ نبی کریم (صلی اللہ علیہ وآلہ وسلم) نے فرمایا : عباس اکا اکرام کرو اللہ تعالیٰ تمہارا کرام کرے گا کیا تمہیں معلوم نہیں کہ آدمی کا چچا باپ کی مانند ہوتا ہے صدقات کے معاملہ میں عباس (رض) سے بات مت کرو چونکہ ہم نے ان سے دو سالوں کا صدقہ پیشگی لے لیا ہے۔ (رواہ ابن عساکر)