٣٧٤١٠۔۔۔ ابن مسعود (رض) کی روایت ہے کہ مجھے خندق کا دن نہیں بھولنے پاتا چنانچہ نبی کریم (صلی اللہ علیہ وآلہ وسلم) صحابہ (رض) کو اینٹیں پکڑا رہے تھے اور آپ کا سینہ غبار آلود ہوگیا تھا جب کہ آپ یہ شعر پڑھ رہے تھے :
الا ان الخیر خیر الاخرہ
فاغفرللانصار والمھاجرۃ
خبردار ! اصل بھلائی تو آخرت کی بھلائی ہے یا اللہ انصار و مہاجرین کی مغفرت فرما۔ اتنے میں عمار بن یاسر (رض) آئے ان سے نبی کریم (صلی اللہ علیہ وآلہ وسلم) نے فرمایا : عمار پر افسوس ہے یا فرمایا : ابن سمیہ پر افسوس ہے۔ اسے باغی ٹولہ قتل کرے گا۔ (رواہ ابن عساکر)