٣٧٤١١۔۔۔” مسند علی “ سعد، محمد بن عمر وغیرہ کی روایت ہے کہ جب حضرت عمار (رض) قتل کردئیے گئے حضرت علی (رض) نے فرمایا : مسلمانوں میں سے جو شخص حضرت عمار (رض) کے قتل کو عظیم تر نہیں سمجھتا اور انھیں پیش آنے والی مصیبت کو گراں تر نہیں سمجھتا وہ رشد و ہدایت سے کوسوں دور ہے جس دن عمار نے اسلام قبول کیا اللہ نے ان پر رحم فرمایا جس دن قتل ہوئے اللہ نے ان پر رحم فرمایا اور جس دن دوبارہ زندہ اٹھائے جائیں گے اس دن بھی اللہ تعالیٰ ان پر رحم فرمائے گا چنانچہ نبی کریم (صلی اللہ علیہ وآلہ وسلم) کے چار صحابہ (رض) کا ذکر کیا جائے تو ان میں سے چوتھے عمار ہوتے پانچ کا ذکر کیا جائے تو پانچویں عمار ہوتے رسول اللہ (صلی اللہ علیہ وآلہ وسلم) کے قد ماء صحابہ میں سے کسی نے بھی شک نہیں کیا کہ عمار (رض) جنتی ہیں پس عمار کو جنت مبارک ہو۔ البتہ کہا جاتا ہے عمار حق کا ساتھ دیتے ہیں اور حق ان کے ساتھ گھوم جاتا ہے عمار حق کے ساتھ ہوتے ہیں خواہ حق جہاں بھی دوران کرے عمار کا قاتل دوزخ میں جائے گا۔ (رواہ ابن عساکر)