٣٧٤٦٢۔۔۔” مسند ابوہریرہ “ ہشام بن حسان محمد کی سند سے حضرت ابوہریرہ (رض) کی روایت ہے محمد کہتے ہیں : ہم حضرت ابوہریرہ (رض) کے پاس بیٹھے ہوئے تھے اور انھوں نے کتان کے باریک دو کپڑے پہن رکھے تھے پھر انھوں نے ایک اور کپڑے سے ناک صاف کی اور فرمایا : تمام تعریفیں اس ذات کے لیے ہیں جس نے ابوہریرہ کو کتان کے کپڑے سے ناک صاف کرنے کی توفیق عطا فرمائی۔ مجھے یاد ہے کہ میں نبی کریم (صلی اللہ علیہ وآلہ وسلم) کے منبر اور عائشہ (رض) کے حجرے کے درمیان غشی طاری ہوجانے کی وجہ سے گرجاتا تھا غشی مجھے بھوک کی وجہ سے طاری ہوتی تھی چنانچہ کوئی شخص میرے سینے پر چڑھ کر بیٹھ جاتا میں کہتا : مجھے مرگی نہیں بلکہ یہ بھوک کی وجہ سے ہے۔ ابوہریرہ (رض) نے فرمایا : میں ابن عفان اور بنت غزوان کا مزدور ہوتا تھا میری مزدوری صرف یہ تھی کہ میں نوبت بہ نوبت اونٹ پر سواری کروں گا اور پیٹ بھر کر کھانا کھاؤں گا جب وہ کسی جگہ اترتے میں ان کی خدمت کرتا اور جب کوچ کرتے میں ان کی سواریاں پیچھے سے ہنکاتا تھا ایک دن بنت غزوان بولی : تم اسے کھڑے کھڑے سوار کرو اور ننگے پاؤں ساتھ چلو۔ چنانچہ اللہ تعالیٰ نے بنت غزوان سے میری شادی کرادی میں نے یہ بات اسے یاد کرائی محمد کہتے ہیں : ابوہریرہ (رض) مزاح بھی کرتے تھے۔ (رواہ عبدالرزاق)