٣٧٤٦٣۔۔۔ حضرت ابوہریرہ (رض) کی روایت ہے کہ نبی کریم (صلی اللہ علیہ وآلہ وسلم) نے ایک مرتبہ ارشاد فرمایا : کوئی شخص ہے جو اللہ تعالیٰ اور اس کے رسول کے مقررکردہ ایک کلمہ یادوکلموں یا تین یا چار یاپانچ کلمات کو حاصل کرلے اور اپنی چادر کے کونے میں باندھ لے پھر ان پر عمل کرے اور دوسروں کو سکھائے ؟ میں نے عرض کیا : اس کے لیے میں تیار ہوں۔ میں نے اپنی چادر پھیلادی رسول اللہ (صلی اللہ علیہ وآلہ وسلم) بیان فرمانے لگے حتیٰ کہ جب خاموش ہوگئے میں نے اپنی چادر لپیٹ کر اپنے سینے سے لگالی مجھے امید ہے کہ اس کے بعد میں نے آپ سے جو حدیث بھی سنی ہے مجھے نہیں بھولی۔ (رواہ ابن عساکر)