٣٧٥٩٠۔۔۔ ابوخالد کی روایت ہے کہ حضرت عمر (رض) نے حضرت عائشہ (رض) کو ام کلثوم بنت ابی بکر سے نکاح کرنے کا پیغام بھیجا۔ حضرت عائشہ (رض) نے جواب دیا : اس کے متعلق آُپ سے ہم کہاں جاسکتے ہیں چنانچہ ام کلثوم کو اس کی خبر ہوئی وہ حضرت عائشہ (رض) کے پاس آئی اور بولیں آپ میرا نکاح عمر سے کرانا چاہتی ہیں جو کھانے کی بجائے مجھے بھوسہ کھلائے گا میں تو ایسے نوجوان سے نکاح کرنا چاہتی ہوں جو مجھ پر دنیا ا کا دریا بہادے اللہ کی قسم اگر آپ نے ایسا کردیا تو میں نبی کریم (صلی اللہ علیہ وآلہ وسلم) کی قبر مبارک کے پاس جاؤں گی اور خوب شور مچاؤں گی حضرت عائشہ (رض) حضرت عمرو بن العاص کو پیغٖام بھیجا کہ عمر (رض) سے بات کرو انھوں نے حامی بھرلی پھر عمرو (رض) حضرت عمر (رض) کے پاس آئے اور گفتگو کی پھر بولے : اے امیرایمومنین ! آپ شادی کرنا چاہتے ہیں ؟ جواب دیا : جی ہاں، پوچھا : کس سے ؟ فرمایا : ام کلثوم بنت ابی بکر سے عمر (رض) نے کہا : امیرالمومنین ! میں یہی دیکھتا ہوں کہ وہ لڑکی اپنے والد کے پاس جاکر ہر دن شکایت کرتی ہے حضرت عمر (رض) نے فرمایا : عائشہ نے تمہیں اس کا حکم دیا ہے چنانچہ حضرت طلحہ بن عبیداللہ (رض) نے ام کلثوم بنت ابی بکر (رض) سے شادی کرلی حضرت علی (رض) سے کہا : آپ مجھے اجازت دیتے ہیں کہ میں اس کے پردہ کے قریب ہو کر ایک بات کروں۔ طلحہ (رض) نے کہا : جی ہاں۔ حضرت علی (رض) نے فرمایا : تم نے رسول اللہ (صلی اللہ علیہ وآلہ وسلم) کے صحابہ (رض) میں سے (ایک عظیم) نوجوان سے شادی کی ہے۔ (رواہ ابن عساکر)