٣٧٥٩١۔۔۔ عبدالرحمن بن حمید بن عبدالرحمن بن عوف اپنے والد سے وہ اپنی مان ام کلثوم بنت عقبہ بن ابی معیط سے وہ بسرہ بنت صفوان (رض) سے روایت نقل کرتی ہیں وہ کہتی ہیں ایک مرتبہ رسول کریم (صلی اللہ علیہ وآلہ وسلم) میرے پاس تشریف لائے میں عائشہ (رض) کے سر میں کنگھی کر رہی تھی آپ نے فرمایا : اے بسرہ ! ام کلثوم کو کون پیغام نکاح بھیج رہا ہے ؟ جواب دیا : فلاں اور فلاں اور عبدالرحمن بن عوف بن عوف۔ فرمایا : تمہارا عبدالرحمن کے بارے کیا خیال ہے ؟ وہ مسلمانوں کا سردار اور افضل آدمی ہے میں نے عرض کیا یا رسول اللہ ! ہم ایسے نکاح کو اچھا نہیں سمجھتے جو باعث تکلیف ہو پھر اس سے اس کے چچا کی بیٹی شیبہ بنت زمعہ کے طلاق کا اس سے مطالبہ کرنے لگیں (یہ بھی ہمیں پسند ہیں) رسول اللہ (صلی اللہ علیہ وآلہ وسلم) نے دوبارہ بات دہرائی میں نے بھی اپنی بات دہرادی پھر آپ نے سہ بارہ بات دہرائی اور فرمایا : اگر ام کلثوم کا نکاح کرادیا جائے وہ اپنا حصہ پائے گی اور خوش و راضی رہے گی اتنے میں حضرت عائشہ (رض) بولیں : اے بری عورت ! کیا تو سنتی نہیں ہے کہ رسول اللہ (صلی اللہ علیہ وآلہ وسلم) تم سے کیا فرماتے ہیں ؟ بسرہ (رض) کہتی ہیں : میں نے اپنے ہاتھ دھوکر صاف کیے اور ام کلثوم کے پاس چلی گئی اور اسے رسول اللہ (صلی اللہ علیہ وآلہ وسلم) کا فرمان سنایا چنانچہ ام کلثوم نے عثمان بن عفان (رض) اور خالد بن سعید (رض) کو پیغام بھیج کر بلوایا اور ان دونوں نے ام کلثوم (رض) کی شادی عبدالرحمن (رض) سے کرادی ام کلثوم کہتی ہیں : بخدا : میں نے اپنا حصہ پایا اور میں خوش بھی رہی۔ (رواہ ابن عساکر)