٣٧٧٣٨۔۔۔ ابوجعفر کی روایت ہے حضرت ابوبکر صدیق (رض) نے حضرت علی (رض) کو باندی عطا کی اس کے بعد ام ایمن (رض) حضرت فاطمہ (رض) کے پاس آتیں لیکن ام یمن (رض) نے فاطمہ (رض) کے چہرہ اقدس پر خفگی کے اثرات دیکھے اور پوچھا تمہیں کیا ہوا ؟ فاطمہ (رض) نے کچھ جواب نہ دیا : ام ایمن (رض) نے دربارہ استفسار کیا اور کہا اللہ کی قسم تمہارے والد مجھ سے کوئی چیز نہیں چھپاتے تھے پھر تم کیوں چھپاتی ہو فاطمہ (رض) نے کہا : ابوالحسن کو ایک باندی دی گئی ہے چنانچہ ام ایمن (رض) دروازے پر آئیں اور جس پر حضرت علی (رض) تھے اور باآواز بلند کہا خبردار ! رسول اللہ (صلی اللہ علیہ وآلہ وسلم) ایسے شخص تھے کہ ان کے اہل خانہ کے متعلق ان کی حفاظت کی جاتی تھی حضرت علی (رض) نے پوچھا کیا ہوا ؟ ام ایمن (رض) نے جواب دیا : یہ باندی تمہارے پاس بھیجی گئی ہے حضرت علی
(رض) نے فرمایا : باندی فاطمہ (رض) کی ہوگئی۔ (رواہ عبدالرزاق)