٣٧٧٥٥۔۔۔” مسند انس (رض) “ ابن جریر محمد بن ھیشم حسن بن حماد یحییٰ بن یعلی اسلمی سعید بن ابی عروری قتادہ حسن کے سلسلہ سند سے مروی ہے کہ حضرت انس (رض) کہتے ہیں حضرت ابوبکر صدیق (رض) نبی کریم (صلی اللہ علیہ وآلہ وسلم) کی حدمت میں حاضر ہوئے اور آپ کے سامنے بیٹھ گئے اور عرض کیا : یارسول اللہ آپ کو میری خیر خواہی کا بخوبی علم ہے اور اسلام میں میری قدامت کو بھی آپ جانتے ہیں نیز میرا آپ سے ایسا اور ایسا تعلق رہا ہے آپ نے فرمایا : تم کیا چاہتے ہو ؟ عرض کیا : فاطمہ (رض) سے میری شادی کرادیں۔ آپ (صلی اللہ علیہ وآلہ وسلم) اس پر خاموش رہے یا کہا : آپ نے اعراض کرلیا۔ ابوبکر (رض) حضرت عمر (رض) کے پاس واپس لوٹے اور فرمایا : میں ہلاک ہوگیا اور مجھے ہلاک کردیا گیا۔ حضرت عمر (رض) نے پوچھا : وہ کیوں ؟ ابوبکر (رض) نے فرمایا : میں نے نبی کریم (صلی اللہ علیہ وآلہ وسلم) کو فاطمہ کے لیے پیغام نکاح دیا اور آپ نے اعراض کرلیا : حضرت عمر (رض) نے کہا : آپ اپنی جگہ رہیں حتیٰ کہ میں رسول اللہ (صلی اللہ علیہ وآلہ وسلم) کے پاس جاتا ہوں اور اس مقصد کا اظہار کرتا ہوں۔ چنانچہ عمر (رض) نبی کریم (صلی اللہ علیہ وآلہ وسلم) کے پاس آئے اور آپ کے سامنے بیٹھ گئے اور عرض کیا : یارسول اللہ (صلی اللہ علیہ وآلہ وسلم) آپ میری خیر خواہی کو تو بخوبی جانتے ہیں اور اسلام میں میری قدامت کو بھی آپ جانتے ہیں میرا آپ سے ایسا اور ایسا تعلق رہا ہے۔ (اور وہ اب بھی ہے) آپ نے فرمایا : کیا چاہتے ہو ؟ عرض کیا : فاطمہ (رض) سے میری شادی کرادیں۔ رسول اللہ (صلی اللہ علیہ وآلہ وسلم) نے اعراض کرلیا حضرت عمر (رض) حضرت ابوبکر (رض) کے پاس واپس لوٹ آئے اور کہا : آپ (صلی اللہ علیہ وآلہ وسلم) اللہ تعالیٰ کے فیصلہ کی انتظار میں ہیں چلیں اب ہم علی کے پاس جاتے ہیں اور انھیں کہتے ہیں کہ رسول اللہ (صلی اللہ علیہ وآلہ وسلم) کے پاس جاکر یہی مقصد ظاہر کرین حضرت علی (رض) کہتے ہیں یہ دونوں حضرات شیخین میرے پاس آئے اس وقت میں کھجوروں کے پودے لگارہا تھا انھوں نے فرمایا : تمہارے چچا کی بیٹی کو نکاح دیا جارہا ہے حضرت علی (رض) کہتے ہیں : انھوں نے مجھے ایک نام کے لیے جگادیا میں اپنی چادر لیے اٹھ کھڑا ہوا چادر کا ایک پلو میرے کاندھے پر تھا اور درسرازمین پر گھسٹ رہا تھا حتیٰ کہ میں رسول اللہ (صلی اللہ علیہ وآلہ وسلم) کی خدمت میں حاضر ہوا اور عرض کیا یارسول اللہ ! آپ میری خیر خواہی سے بخوبی واقف ہیں اور میری اسلام میں قدامت کو بھی آہ جانتے ہیں نیز میرا آپ سے ایسا اور ایسا تعلق ہے فرمایا : کیا چاہتے ہو ؟ میں نے عرض کیا : آپ فاطمہ (رض) سے میری شادی کرادیں فرمایا : تمہاری پاس کوئی چیز ہے “۔ میں نے کہا میرے پاس میرا گھوڑا اور میری زرہ ہے آپ نے فرمایا : رہی بات گھوڑے کی سوا کوئی چارہ کار ہیں البتہ زرہ نیچ دو مں نے ٢٨٠ درہم میں زرہ بیچ دی اور رقم لا کر آپ کی گود میں ڈھیر کردی آپ نے اس میں سے مٹھی بھر درہم اٹھائے اور بلال (رض) کو دے کر فرمایا : اے بلال ان درہم کی ہمارے لیے خوشبو خرید لاؤ آپ نے ایک چارپائی ایک تکیہ جو چھال سے بھرا ہوا تھا جہیز میں دیا جب کہ میرا گھر ریت سے اٹا پڑا تھا آپ نے فرمایا جب فاطمہ (رض) تمہارے پاس پہنچ جائے کچھ نہیں کرنا۔ حتیٰ کہ میں تمہارے پاس آجاؤں چنانچہ فاطمہ (رض) ام ایمن (رض) کے ہمراہ آئی اور گھر میں ایک طرف بیٹھ گئی جب کہ میں دوسری طرف بیٹھا ہوا تھا اتنے میں رسول اللہ (صلی اللہ علیہ وآلہ وسلم) تشریف لائے، آتے ہی فرمایا : علی میرا بھائی ہے۔ ام ایمن (رض) نے جواب دیا : وہ آپ کا بھائی ہے حالانکہ آپ نے اپنی بیٹی سے اس کی شادی کرائی ہے فرمایا : جی ہاں آپ اندر تشریف لائے اور فاطمہ سے فرمایا : میرے پاس پانی لاؤ چنانچہ فاطمہ (رض) نے ایک پیالہ اور اس میں پانی ڈال کر آپ کے پاس لائی آپ نے پانی میں کلی کی اور پھر فاطمہ (رض) سے فرمایا : کھڑی ہوجا جب وہ کھڑی ہوگئیں تو آپ نے پانی ان کے سر اور سینے پر بھی بہادیا اور فرمایا : یا اللہ ! میں اسے اور اس کی اولاد کو شیطان مردود سے تیری پناہ میں دیتا ہوں آپ نے فاطمہ (رض) سے فرمایا : پیٹھ پھیرو فاطمہ (رض) نے آپ کی طرف پیٹھ کردی اور آپ نے کچھ پانی فاطمہ (رض) کا کاندھوں پر انڈیل دیا پھر فرمایا : یا اللہ ! میں اسے اور اس کی اولاد کو شیطان مردود سے تیری پناہ میں دیتا ہوں پھر حضرت علی (رض) سے پانی لانے کو فرمایا حضرت علی کہتے ہیں۔ میں آپ کے ارادہ کو جانتا تھا میں اٹھا اور پانی سے پیالا بھر لایا آپ نے پانی میں کلی کی اور پھر میرے سینہ اور سر پر بہادیا پھر فرمایا : اسے اور اس کی اولاد کو شیطان مردود سے تیری پناہ میں دیتا ہوں پھر فرمایا : پیٹھ پھیرو میں نے آپ کی طرف پیٹھ پھیر دی آپ نے میرے کاندھوں پر پانی بہادیا اور فرمایا : میں اسے اور اس کی اولاد کو شیطان مردود سے تیری پناہ میں دیتا ہوں ۔ پھر آپ نے مجھے فرمایا : اللہ تعالیٰ کے نام اور اس کی برکت کے ساتھ اپنے اہل خانہ کے ہمراہ گھر میں داخل ہوجاؤ۔