٣٧٧٥٦۔۔۔” مسند صدیق (رض) “ ام جعفر کی روایت ہے کہ حضرت فاطمہ بنت رسول اللہ (صلی اللہ علیہ وآلہ وسلم) نے فرمایا : اے اسماء (ام جعفر) عورتوں کے ساتھ جو کچھ کیا جاتا ہے وہ مجھے بہت برا لگتا ہے چنانچہ عورت پر کپڑا ڈال دیا جاتا ہے۔ (مرنے کے بعد) جو عورت کے اعضاء مستورہ کا حال منکشف کردیتا ہے اسماء (رض) بولیں : اے رسول اللہ کی بیٹی ! کیا میں تمہیں ایک چیز نہ بتاؤں جو سر زمین حبشہ میں میں نے دیکھی سے چنانچہ اسماء (رض) نے چند ہری ٹہنیاں منگوائیں اور انھیں ٹیڑھا کرکے ان پر کپڑا ڈال دیا فاطمہ (رض) نے کہا یہ کتنہ خوبصورت لگ رہی ہیں بلاشبہ ایسا کرنے سے مرد اور عورت میں تمیز ہوجاتی ہے لہٰذا جب میں مرجاؤں مجھے صرف تو اور علی غسل دیں اور میرے پاس کوئی اور نہ آئے چنانچہ جب فاطمہ (رض) نے وفات پائی حضرت عائشہ (رض) نے اندر آنا چاہا اسماء (رض) بولیں : اندر مت آؤ عائشہ (رض) نے حضرت ابوبکر (رض) سے اس کی شکایت کردی کہ یہ حثعمیہ میرے اور رسول اللہ (صلی اللہ علیہ وآلہ وسلم) لکی بیٹی کے درمیان حائل ہوگئی ہے اور اس نے فاطمہ (رض) کے لیے دلہن کے ھو وج کی طرح چیز بنا رکھی ہے اتنے میں ابوبکر (رض) تشریف لائے اور دروازے پر کھڑے ہوگئے اور فرمایا : اے اسماء ! رسول اللہ (صلی اللہ علیہ وآلہ وسلم) کی ازواج تو رسول اللہ (صلی اللہ علیہ وآلہ وسلم) کی بیٹی کے پاس اندر آنے سے کیوں روک رہی ہو اور تم نے فاطمہ (رض) کے لیے دلہن کے ھو وج کی طرح چیز کیوں بنا رکھی اسماء (رض) نے جواب دیا فاطمہ (رض) نے مجھے حکم دیا ہے کہ اس کے پاس کوئی نہ آنے پائے اور میں نے اس زندہ ہوتے ہوئے اس طرح کا ھودہ بنائے دیکھا ہے اور اس نے مجھے بنانے کا حکم دیا تھا۔ ابوبکر (رض) نے فرمایا : فاطمہ (رض) نے تمہیں جو حکم دیا ہے وہ بجالاؤ پھر فاطمہ (رض) کو حضرت علی (رض) اور حضرت اسماء (رض) نے غسل دیا۔ (رواہ البیھقی)