٣٧٧٦٣۔۔۔ ابوخالد والہی حضرت جابر بن سمرہ (رض) یا کسی اور صحابی (رض) سے روایت نقل کرتے ہیں کہ نبی کریم (صلی اللہ علیہ وآلہ وسلم) بکریاں چرواتے تھے چنانچہ آپ نے بکریاں پہاڑی پر لے جانا چاہیں آپ نے اور آپ کے ایک شریک نے خدیجہ (رض) کی بہن سے اونٹ کرائے لے لیا جب سفر تمام ہوا تو خدیجہ (رض) کی بہن کے ذمہ کچھ کرایہ باقی بچ گیا آپ کا شریک باقی کرایہ مانگنے آتا جب کہ وہ آپ سے کہتا کرایہ لینے تم جاؤ آپ فرماتے تو خود چلاجا مجھے حیاء آتی ہے چنانچہ ایک مرتبہ شریک آیا تو وہ عورت بولی : محمد کہاں ہے وہ تمہارے ساتھ کیوں نہیں آیا ؟ اس نے جواب دیا : میں نے اسے آنے کو کہا تھا مگر اس نے کہا کہ مجھے حیاء آتی ہے عورت بولی : میں نے محمد سے بڑھ کر زیادہ حیاء آپ کو اپنے پاس بلوایا تو کہا میرے والد کے پاس جاؤ اور اس سے میرے لیے پیغام نکاح دو رسول اللہ (صلی اللہ علیہ وآلہ وسلم) نے فرمایا : تمہارا باپ بڑا مالدار شخص ہے وہ ایسا نہیں کرے گا۔ خدیجہ (رض) نے کہا : جاؤتو سہی اس سے بات کرو پھر میں سارا مسئلہ حل کردوں گی اور یاد رکھو اس کے پاس اس وقت جاؤ جب وہ نشہ میں دھت بڑا ہو۔ چنانچہ نبی کریم (صلی اللہ علیہ وآلہ وسلم) نے ایسے ہی کیا اور خدیجہ (رض) کے باپ نے آپ کی شادی کرادی صبح ہوئی تو خویلد اپنے دوستوں کے ساتھ مجلس میں مل بیٹھا اسے کہا گیا شاباش بہت اچھا تم نے جو محمد کی شادی کرادی بولا : ارے کیا میں نے ایسا کیا ہے ؟ لوگوں نے کہا : جی ہاں خویلد فورا اٹھ کھڑا ہو اور حضرت خدیجہ (رض) کے پاس آیا اور کہنے لگا : لوگوں کا کہنا ہے کہ میں نے محمد کی شادی کرادی ہے حالانکہ میں نے ایسا نہیں کیا حضرت خدیجہ (رض) بولیں : کیوں نہیں تم نے شادی کرادی بلاشبہ آپ کی رائے کسی صورت غلط نہیں ہوسکتی چونکہ محمد عظیم شخصیت کا مالک ہے چنانچہ خدیجہ (رض) اپنے والد سے لگی لپٹی رہی۔ حتیٰ کہ اسے راضی کرلیا پھر خدیجہ (رض) نے نبی کریم (صلی اللہ علیہ وآلہ وسلم) کے پاس دواوقیہ چاندی یا سونا بھیجا اور کہا : عمدہ سا جوڑا خرید کر مجھے ہدیہ کردو ایک مینڈھا خریدو اور فلاں اور فلاں چیزیں بھی خریدو چنانچہ آپ نے ایسا ہی کیا۔ (رواہ الطبرانی)