٣٧٧٦٤۔۔۔ “ مسند عائشہ “ ابوسلمہ (رض) کی روایت ہے کہ حضرت عائشہ (رض) فرماتی ہیں : ایک بوڑھی عورت نبی کریم (صلی اللہ علیہ وآلہ وسلم) کی خدمت میں حاضت ہوتی تھی آپ اس سے ازحد مہربانی سے پیش آتے اور اس کا بہت احترام و اکرام کرتے میں نے عرض کیا : آپ پر میرے ماں باپ قربان ہوں جیسا سلوک آپ اس بڑھیا کے ساتھ کرتے ہیں ایسا کسی اور کے ساتھ نہیں کرتے ؟ آپ نے فرمایا : یہ عورت خدیجہ (رض) کے پاس آتی تھی کیا تمہیں معلوم نہیں کہ دوستی کی پاسداری رکھنا ایمان کا حصہ ہے۔ (رواہ البیھقی شعب الایمان)