٣٧٧٩٠۔۔۔ ام سلمہ (رض) کی روایت ہے کہ جب وہ مدینہ آئیں تو انھوں نے اہل مدینہ کو خبر کی کہ میں ابوامیہ بن مغیرہ کی بیٹی ہوں لوگوں نے انھیں جھٹلادیا حتیٰ کہ لوگ حج کی تیاری میں مصروف ہوگئے اور لوگوں نے حضرت ام سلمہ (رض) سے کہا اپنے گھر والوں کو خط لکھو چنانچہ ام سلمہ (رض) نے خط لکھ بھیجا جب لوگ مدینہ واپس آئے تو ام سلمہ (رض) کی تصدیق کردی اور ان کا زیادہ احترام و اکرام کرنے لگے ام سلمہ (رض) کہتی ہیں جب میں نے زینب کو جنم دیا میرے پاس نبی کریم (صلی اللہ علیہ وآلہ وسلم) لائے اور مجھے پیغام نکاح دیا میں نے عرض کیا : مجھ جیسی عورت سے نکاح کیا جائے گا ؟ سو فی الحال نکاح کرنے کا میرا ارادہ نہیں ہے میں عیالدار عورت ہوں اور میں ہوں بھی غیرت مند عورت۔ آپ نے فرمایا : میں تجھ سے بڑا ہوں۔ رہی اس قسم کی غیرت سوا اللہ تعالیٰ اسے ختم کردے گا رہی بات عیال کی وہ اللہ اور اس کے رسول کے سپرد ہے چنانچہ رسول اللہ (صلی اللہ علیہ وآلہ وسلم) نے ام سلمی (رض) سے شادی کرلی اور آپ نے ام سلمہ (رض) کے پاس آنا شروع کردیا اور فرماتے زینب (رض) کہاں ہے ؟ حتیٰ کہ عمار (رض) آئے اور بولے : یہ لڑکی رسول اللہ (صلی اللہ علیہ وآلہ وسلم) کے لیے رکاوٹ بنی ہوئی ہے چونکہ ام سلمہ (رض) اسے دودھ پلاتی تھیں۔ اس کے بعد رسول اللہ (صلی اللہ علیہ وآلہ وسلم) تشریف لائے اور پوچھا : زینب (رض) کہاں ہے ؟ ام سلمہ (رض) نے کہا : میں نے اسے بنت ابی امیہ کے پاس بھیج دیا ہے اور ابن یاسر نے اسے لے لیا ہے نبی کریم (صلی اللہ علیہ وآلہ وسلم) نے فرمایا : میں آج رات تمہارے پاس آؤں گا ام سلمہ (رض) کہتی ہیں میں نے چکی کے نیچے چمڑہ بچھایا اور کچھ جو پیسے جو میرے تھیلے میں پڑے ہوئے تھے کچھ چربی لی اور اس سے کھانا تیار کیا آپ (صلی اللہ علیہ وآلہ وسلم) نے میرے یہاں رات بسر کی جب صبح ہوئی آپ نے فرمایا : بلاشبہ تمہاری تمہارے خاندان والوں کے ہاں عزت و احترام ہے اگر تم چاہو تو میں تمہارے ہاں سات دن بسر کروں اور پھر دوسری بیویوں کے ہاں بھی سات دن بسر کروں گا۔ (رواہ ابن عساکر)