٣٧٧٩١۔۔۔ عبدالرحمن بن ابزی کی روایت ہے کہ حضرت عمر (رض) نے زینب بنت جحش کے جنازہ پرچار تکبیریں کہیں پھر ازاوج مطہرات کی طرف پیغام بھیجا کہ زینب (رض) کو کون قبر میں داخل کرے ؟ ازواج نے جواب دیا : زینب کو وہی شخص قبر میں داخل کرے جو ان کی زندگی میں ان کے پاس زیادہ سے زیادہ حاضر ہوتا تھا پھر حضرت عمر (رض) نے فرمایا : رسول اللہ (صلی اللہ علیہ وآلہ وسلم) ارشاد فرماتے تھے تم میں سے سب سے پہلے وہ میرے پاس آئے گی جس کے ہاتھ سب سے زیادہ لمبے ہوں گے چنانچہ ازواج مطہرات اپنے ہاتھ ایک دوسرے سے ملاتی کس کا زیادہ لمبا ہے حالانکہ اس کا مطلب یہ تھا کہ زینب اللہ تعالیٰ کی راہ میں زیادہ سے زیادہ خیرات کرنے والی تھی۔ (رواہ البزروابن مندہ فی غرائب شعبۃ)