٣٧٨٥٤۔۔۔ محمد بن الحنفیۃ (رح) سے مروی ہے کہ (میرے والد) حضرت علی کرم اللہ وجہہ اور حضرت طلحہ (رض) کے درمیان بات چلی۔ حضرت طلحہ (رض) نے حضرت علی (رض) کو فرمایا : آپ کی جرات دیکھئے کہ آپ نے ان (حضور (صلی اللہ علیہ وآلہ وسلم)) کا نام (اپنے بیٹے کا نام) رکھا اور ان کی (یعنی آپ (صلی اللہ علیہ وآلہ وسلم) کی ) کنیت بھی ان کو دی۔ حالانکہ حضور اکرم (صلی اللہ علیہ وآلہ وسلم) نے فرمایا تھا ان دونوں کو (کسی ایک کے لیے ) جمع نہیں کیا جائے گا۔ اور دوسرے الفاظ روایت کے یہ ہیں کہ نبی اکرم (صلی اللہ علیہ وآلہ وسلم) نے منع فرمایا کہ آپ کی امت میں سے آپ کے بعد ان کو کوئی جمع کرے۔ حضرت علی (رض) نے ارشاد فرمایا : جری وہ ہے جو اللہ اور اس کے رسول اللہ (صلی اللہ علیہ وآلہ وسلم) پر جرات کرے، بلاؤ فلاں فلاں قریش کے لوگوں کو۔ چنانچہ وہ آئے تو انھوں نے بھی شہادت دی کہ رسول اللہ (صلی اللہ علیہ وآلہ وسلم) نے حضرت علی (رض) کو ارشاد فرمایا : میرے بعد عنقریب تیرے ہاں ایک بچہ ہوگا میں اس کو اپنا نام اور اپنی کنیت عطیہ کرتا
ہوں اور اس کے بعد میری امت میں سے کسی کے لیے جائز نہیں۔ (ابن سعد، ابن عساکر)