٣٧٨٦٤۔۔۔ حضرت سعید بن زید (رض) سے مروی ہے کہ رسول اللہ (صلی اللہ علیہ وآلہ وسلم) نے ارشاد فرمایا : نجاشی کے لیے دعائے مغفرت کرو۔ (رواہ ابونعیم)
فائدہ :۔۔۔ مذکورہ نجاشی حبشہ کے بادشاہ تھے جن کا نام اصحمۃ بن ابحر تھا۔ نجاشی ان کا لقب تھا۔ حضور اکرم (صلی اللہ علیہ وآلہ وسلم) کے زمانے میں مسلمان ہوگئے تھے لیکن حضور اکرم (صلی اللہ علیہ وآلہ وسلم) کے پاس ہجرت کرکے جانے کی اور زیارت کرنے کی سعادت نہ ہوسکی اور فتح مکہ سے قبل وفات پاگئے تھے۔ نبی اکرم (صلی اللہ علیہ وآلہ وسلم) نے مدینہ میں ان کی غائبانہ نماز جنازہ پڑھائی اور نماز میں چار تکبیریں ادا فرمائیں۔ (اسد الغابہ، ١/ ١٢٠)