٣٧٨٨٧۔۔۔ عمیر بن ہانی سے مروی ہے کہ حضرت معاویۃ بن ابی سفیان (رض) سے لوگوں کو خطبہ دیا اور ارشاد فرمایا : میں نے رسول اللہ (صلی اللہ علیہ وآلہ وسلم) کو ارشاد فرماتے ہوئے سنا :
میری امت کا ایک گروہ اللہ کے دین کو قائم رکھے گا ان کی مخالفت کرنے والا ان کو کوئی نقصان نہ پہنچا سکے گا اور نہ ان کو رسوا کرنے والا کچھ زک پہنچا سکے گا حتی کہ اللہ کا فیصلہ آجائے اور وہ اسی حال پر قائم رہیں گے دوسرے الفاظ روایت کے یہ ہیں کہ وہ لوگوں پر کامیاب وکامران رہیں گے۔
راوی عمیر بن ہانی فرماتے ہیں : پھر مالک بن یخامر کھڑے ہوئے اور بولے کہ میں نے حضرت معاذ بن جبل (رض) کو ارشاد فرماتے ہوئے سنا ہے کہ وہ ملک شام میں ہوں گے۔ (مسند احمد، التاشی، یعقوب بن سفیان، مسند ابی یعلی، ابن عساکر، البغوی)