٣٧٨٨٨۔۔۔ یونس بن حلیس البھندی سے مروی ہے کہ معاویہ بن ابی سفیان (رض) منبر پر فرمایا کر تھے تھے : میں نے رسول اللہ (صلی اللہ علیہ وآلہ وسلم) کو ارشاد فرماتے ہوئے سنا ہے :
میری امت کا ایک گروہ حق پر لوگوں سے قتال کرتا رہے اور وہ لوگوں پر غالب رہے گا حتی کہ اللہ کا فیصلہ آجائے اور وہ اس حال پر ہوں گے۔
پھر حضرت معاویہ (رض) نے یہ آیت پڑھی :
یا عیسیٰ انی متوفیک ورافعک الی ومطھرک من الذین کفروا وجاعل الذین اتبعوک فوق الذین کفروا الی یوم القیامۃ
اے عیسیٰ ! میں تجھے وفات دینے والا ہوں اور تجھے اپنی طرف اٹھانے والا ہوں اور تجھے پاک کرنے والا ہوں کافروں سے اور تیری اتباع کرنے والوں کو قیامت تک اوپر کرنے والا ہوں کافروں پر۔ (رواہ ابن عساکر)
فائدہ :۔۔۔ آیت مذکورہ میں اسی جماعت کی وضاحت ہے جس کا ذکر حدیث میں آیا ہے کہ جن کے متعلق اللہ نے کتاب اللہ میں فرمایا کہ ان کو (یعنی عیسیٰ (علیہ السلام) کے آنے کے بعد) عیسیٰ (علیہ السلام) کے ماننے والے امت محمدیہ کے موحد مسلمانوں کو کافروں پر قیامت تک غالب رکھے گا۔