٣٧٩٠٩۔۔۔ حضرت سعد (رض) سے مروی ہے کہ ایک مرتبہ رسول اللہ (صلی اللہ علیہ وآلہ وسلم) اوپر سے اترے اور جب آپ کا گذر بنی معاویہ کی مسجد پر ہوا تو وہاں داخل ہوگئے اور وہاں دو رکعت نماز ادا فرمائی، ہم نے بھی آپ کے ساتھ نماز پڑھی اور آپ (صلی اللہ علیہ وآلہ وسلم) نے اپنے رب سے بہت دیر تک دعا کی۔ پھر فارغ ہو کر ہماری طرف متوجہ ہوئے اور ارشاد فرمایا : میں نے اپنے پروردگار سے سوال کیا تھا کہ میری امت کو غرق کر کے ہلاک نہ فرمانا، پروردگار نے میرا یہ سوال پورا فرمایا۔
نیز میں نے اللہ سے سوال کیا تھا کہ میری امت کو قحط سالی سے ہلاک نہ کیجیؤ، اللہ پاک نے میری یہ دعا بھی قبول فرمالی۔ اور میں نے اللہ پاک سے یہ سوال کیا تھا کہ ان کے درمیان جنگ وجدال نہ ہو تو اللہ پاک نے اس سے منع فرمادیا۔ (مصنف ابن ابی شیبہ، مسند احمد، مسلم، ابن خزیمہ، ابن حبان)