٣٧٩١٠۔۔۔ (مسند سعد (رض)) شریح بن عبید حضرت سعد بن ابی وقاص (رض) سے اور وہ حضور نبی کریم (صلی اللہ علیہ وآلہ وسلم) سے روایت کرتے ہیں، آپ (صلی اللہ علیہ وآلہ وسلم) نے ارشاد فرمایا :
مجھے امید ہے کہ میری امت (قیامت کے روز) اپنے رب کے ہاں نصف یوم سے زیادہ عاجز نہ ہوگی (یعنی نصف یوم کے اندر اندر ان کا حساب کتاب نمٹ جائے گا) ۔ حضرت سعد (رض) سے کسی نے پوچھا : وہ نصف یوم کتنا (بڑا) ہوگا ؟ تو حضرت سعد (رض) نے فرمایا : پانچ سو سال کا۔ (مسند احمد، ابوداؤد، نعیم بن حماد، مستدرک الحاکم، البعث للبیھقی، السنن لسعید بن منصور)
کلام :۔۔۔ بیہقی (رح) فرماتے ہیں مذکورہ حدیث کی سند شامی (روایت پر مبنی ) ہے، وہ اس حدیث میں منفرد ہیں۔