٣٧٩٦٤۔۔۔ (مسند رافع بن خدیج) عبادیۃ بن رافع اپنے دادا رافع بن خدیج سے روایت کرتے ہیں کہ حضرت جبرائیل (علیہ السلام) یا کوئی اور فرشتہ نبی کریم (صلی اللہ علیہ وآلہ وسلم) کی خدمت میں حاضر ہوا اور عرض کیا : یا رسول اللہ ! آپ لوگ اپنے درمیان شرکاء بدر کو کیسا سمجھتے ہو ؟ حضور (صلی اللہ علیہ وآلہ وسلم) نے ارشاد فرمایا : (شرکاء بدر) ہم میں سے بہترین لوگ ہیں۔ فرشتے نے عرض کیا : اسی طرح فرشتوں میں سے جو فرشتے بدر کی جنگ میں شریک ہوئے وہ ہمارے درمیان بہترین فرشتے ہیں۔ (مصنف ابن ابی شیبہ)