٣٨٠٨٢۔۔۔ (مسند علی) حضرت ابن عباس (رض) سے روایت ہے فرمایا : میں نے حضرت عمر بن خطاب (رض) کو فرماتے سنا : میرا کعبہ میں اس مال کو چھوڑنا (اس لیے ہے) تاکہ میں اسے (حسب ضرورت) لے کر اللہ تعالیٰ اور بھلائی کی راہ میں تقسیم کروں، حضرت علی بن ابی طالب (رض) بیٹھے ان کی بات سن کر رہے تھے، آپ نے فرمایا : ابن ابی طالب آپ کی کیا رائے ہے ؟ اللہ کی قسم ! اگر آپ میری حوصلہ افزائی کریں تو میں ایسا ہی کروں گا، تو حضرت علی بن ابی طالب نے فرمایا : کیا آپ اسے ہم پر خرچ کریں گے، جب کہ اس کا مالک آخری زمانہ میں ایک شخص ہوگا، جس کا رنگ گندمی سا اور وہ لمبا ہوگا، پھر حضرت عمر نے اپنی تقریر جاری رکھی اور نبی (صلی اللہ علیہ وآلہ وسلم) کا ذکر کیا کہ آپ کو کعبہ کے گڑھے سے ستر ہزار سونے کی اوقیہ ملی تھیں جو بیت اللہ میں ہدیہ کی جاتی تھیں، اور علی بن ابی طالب نے رسول اللہ (صلی اللہ علیہ وآلہ وسلم) سے عرض کیا : اگر آپ اس مال سے اپنی جنگوں میں امداد حاصل کرلیں تو بہتر ہے، لیکن آپ نے اسے نہیں چھیڑا، پھر حضرت ابوبکر (رض) سے اس کا ذکر کیا گیا تو آپ نے بھی اسے نہیں چھیڑا۔ (رواہ الازرقی)