٣٨٠٩٣۔۔۔ (اسی طرح) زھری عبید اللہ بن عبداللہ بن عتبہ سے روایت کرتے ہیں : کہ ابراہیم (علیہ السلام) نے جبرائیل (علیہ السلام) کو دکھانے کے لیے حرم کے پتھر نصب کئے، پھر کسی نے انھیں حرکت نہیں دی یہاں تک کہ جب قصی کا زمانہ آیا تو انھوں نے ان کی تجدید کی، پھر کسی نے انھیں حرکت نہیں دی یہاں تک کہ رسول اللہ (صلی اللہ علیہ وآلہ وسلم) کا دور آیا آپ نے فتح مکہ کے سال تمیم بن اسد خزاعی (رض) کو بھیجا، انھوں نے ان پتھروں کی تجدید کی، پھر کسی نے انھیں حرکت نہیں دی یہاں تک جب حضرت عمر بن خطاب (رض) کا دور آیا تو آپ نے قریش کے چار افراد بھیجے، جو دیہات میں رہتے تھے انھوں نے حرم کے پتھروں کو نئے پتھروں میں تبدیل کرکے نصب کیا، ان میں مخرمہ بن نوفل سعید بن یربوع المخزومی، حویطب بن عبدالعزی اور ازھر بن عبدعوف الزھری شامل ہیں۔ (رواہ الازرقی)