٣٨١٠٣۔۔۔ حبیب بن ابی الاشرس سے روایت ہے فرمایا : ام نہشل کا سیلاب حضرت عمر (رض) کے بندھ باندھنے سے پہلے بالائی مکہ میں ہوتا تھا اس نے مقام ابراہیم کو بہادیا پھر پتہ نہ چلا کہ وہ کس مقام پر تھا ، جب حضرت عمر (رض) تشریف لائے تو آپ نے پوچھا : اس کی جگہ کون جانتا ہے ؟ مطلب بن ابی وداعۃ نے کہا : امیر المومنین ! میں جانتا ہوں، میں نے اس کا اندازہ اور پیمائش مقاط (مضبوط بٹی ہوئی رسی سے) سے کی ہے اور مجھے اس کے بارے میں اندیشہ تھا حجر اسود سے یہاں تک اور رکن سے اس تک اور کعبہ کے سامنے، آپ نے فرمایا : وہ میرے پاس لے آؤ ! چنانچہ وہ لائے اور اسے اس کی جگہ پر رکھ دیا، اور حضرت عمر (رض) نے اس کے پاس بندھ باندھ دیا۔
سفیان فرماتے ہیں یہی بات ہم سے ہشام بن عروہ نے اپنے والد کے حوالہ سے نقل کی ہے کہ مقام ابراہیم بیت اللہ کے دامن میں تھا، اب وہ جس جگہ ہے وہی اس کی جگہ ہے اور لوگ جو کہتے ہیں : کہ وہاں اس کی جگہ تھی ، تو صحیح نہیں۔ (رواہ الازرقی