٣٨١٥٩۔۔۔ حضرت عائشہ (رض) سے روایت ہے فرمایا : جب رسول اللہ (صلی اللہ علیہ وآلہ وسلم) مدینہ آئے تو مدینہ بخار کے لحاظ سے اللہ تعالیٰ کی سب سے زیادہ وبائی زمین تھی، چنانچہ آپ کے صحابہ (رض) میں سے کچھ کو یہ بیماری اور مصیبت پہنچی، (جبکہ) اللہ تعالیٰ نے اسے اپنے نبی سے دور رکھا، میں نے رسول اللہ (صلی اللہ علیہ وآلہ وسلم) سے ان سے سنی باتیں عرض کیں، میں نے کہا : وہ بخار کی شدت کی وجہ سے بہکی بہکی باتیں کررہے ہیں۔ آپ نے فرمایا : اے اللہ ! مدینہ ہمارے لیے ایسے ہی چہیتا بنادے جیسے تو نے ہمارے لیے مکہ کو محبوب بنایا ہے بلکہ اس سے زیادہ، اور ہمارے مدوصاع میں برکت عطا فرما، اور اس کی وبا مقام میعۃ منتقل کردے۔ (ابن اسحاق)