٣٨٢١٦۔۔۔ محمد بن عبدالرحمن بن شداد بن محمد بن شداد سے روایت ہے کہ میں نے اپنے والد کو سنا وہ اپنے والد کے واسطہ سے اپنے دادا شداد بن اوس کی روایت نقل کرتے ہیں کہ وہ رسول اللہ (صلی اللہ علیہ وآلہ وسلم) کے پاس جان کنی کے عالم میں تھے، آپ نے فرمایا : شداد تمہاری کیسی حالت ہے ؟ عرض کیا : دنیا تنگ لگ رہی ہے، آپ نے فرمایا : تم پر تنگ نہیں ہوگی، شام اور بیت المقدس فتح ہوگا، تم اور تمہاری اولاد انشاء اللہ ان لوگوں میں امام ہوں گے۔ (رواہ ابن عساکر)