٣٨٢٢٠۔۔۔ ضمرہ، ثور کی سند سے حضرت عبداللہ بن حوالہ (رض) سے مروی ہے فرمایا : اے اہل شام فخر کرو کہ اللہ تعالیٰ نے تمہارے دائیں بائیں فتنے پھینک دئیے ہیں ! اس ذات کی قسم ! جس کے قبضہ قدرت میں میری جان ہے یقیناً اللہ تعالیٰ تمہیں ایک فتنہ میں ڈالے گا جس سے تمہارے قدم اکھڑ جائیں گے، ضمرہ ابن شوذب سے روایت کرتے ہیں فرمایا : ہم لوگ شام کا تذکرہ کررہے تھے، میں نے ابوسہل سے کہا : کیا آپ کو یہ بات معلوم نہیں کہ وہاں ایسے ایسے فتنے ہوں گے ؟ انھوں نے فرمایا : کیوں نہیں، لیکن وہاں جو فتنے ہوں گے وہ دوسری جگہوں کی بنسبت آسان ہوں گے۔ (رواہ ابن عساکر)