٣٨٢٢٥۔۔۔ حضرت ابو ہریرہ (رض) سے روایت ہے فرمایا : ایک دفعہ ہم لوگ رسول اللہ (صلی اللہ علیہ وآلہ وسلم) کے پاس تھے کہ اچانک معاذ بن جبل یا سعد بن معاذ آئے، رسول اللہ (صلی اللہ علیہ وآلہ وسلم) نے جب انھیں دیکھا تو فرمایا : مجھے ان کے چہرہ میں اچھی خبر معلوم ہورہی ہے، وہ آئے آپ کو سلام کرکے کہنے لگے : یا رسول اللہ ! مژدہ لیجئے کسری قتل ہوگیا ہے، رسول اللہ (صلی اللہ علیہ وآلہ وسلم) نے تین بار فرمایا : اللہ تعالیٰ کسری پر لعنت کرے، پھر فرمایا : سب سے پہلے فارس والے ہلاک وفنا ہوں گے پھر عرب اور ان کے پیچھے والے پھر اپنے ہاتھ سے شام کی طرف اشارہ کرکے فرمایا : صرف یہاں کے کچھ لوگ رہ جائیں گے۔ (رواہ بن عساکر)