٣٨٢٢٦۔۔۔ حضرت عائشہ (رض) سے روایت ہے فرمایا : کہ نبی (صلی اللہ علیہ وآلہ وسلم) نیند سے گھبرا کر بیدار ہوئے آپ پر کپکپی طاری تھی، میں نے عرض کیا : میرے ماں باپ آپ پر قربان ہوں آپ کو کیا ہوا ہے ؟ فرمایا : میرے تکیہ کے نیچے سے اسلام کا ستون کھینچ لیا گیا جس سے مجھے وحشت ہوئی، پھر میں نے اپنی نگاہ دوڑائی توا سے شام کے وسط میں گاڑ دیا گیا، مجھ سے کہا گیا : اے محمد ! (صلی اللہ علیہ وآلہ وسلم) اللہ تعالیٰ نے تمہارے لیے اور اپنے بندوں کے لیے شام کو پسند کیا ہے اس نے اسے تمہارے لیے عزت، حشر، مضبوطی اور یاددھانی کا باعث بنایا ہے، جس سے اللہ تعالیٰ بھلائی چاہے گا اسے شام میں ٹھہرائے گا اور اسے اس میں سے حصہ دے گا اور جس سے برائی کو دوچار کرے گا وہ اپنے ترکش سے تیر نکال لے گا۔ اور وہ شام کے درمیان لٹکا ہوا ہے اسے تیر مارے تو وہ دنیا و آخرت میں سلامت نہیں رہے گا۔ (ابن عساکر وفیہ الحکم بن عبداللہ متروک)