٣٩١٩٩۔۔۔ کیا تمہیں دوپہر کے وقت جب کوئی بادل بھی نہ ہو سورج دیکھنے میں کوئی دقت ہوتی ہے کیا چودہویں رات کی چاند کو جب کوئی بادل بھی نہ ہو دیکھنے میں کوئی مشکل ہوتی ہے ؟ اس ذات کی قسم ! جس کے قبضہ قدرت میں میری جان ہے ! تمہیں اپنے رب کے دیدار میں بھی کوئی مشقت نہیں ہوگی جیسے ان دونوں کو دیکھنے میں کوئی مشکل تمہیں نہیں ہوتی بندہ اللہ سے ملے گا تو اللہ تعالیٰ فرمائیں گے اے فلاں ! کیا میں نے تجھے عزت نہیں بخشی تجھے سرداری گھر والی دی اور گھوڑے اونٹ تیرے لیے مسخر کرکے کام میں لگادیے اور تجھے سرداری کرنے اور چار دیواری قائم کرنے کے لیے چھوڑ دیا وہ کہے گا کیوں نہیں اللہ تعالیٰ فرمائے گا : میں نے تجھے (بدلہ میں) ایسے ہی فراموش کردیا جیسے تو نے مجھے فراش کردیا تھا۔
پھر دوسرا شخص ملے گا : اللہ تعالیٰ فرمائیں گے اے فلاں کیا میں نے تجھے عزت سرداری گھر والی نہیں بخشی اور تیرے لیے گھوڑے اونٹ مسخر نہیں کیے اور تجھے سرداری کرنے اور چار دیواری بنانے کے لیے نہیں چھوڑا وہ عرض کرے گا۔ کیوں نہیں اللہ تعالیٰ فرمائیں گے : کیا تیرا یقین تھا کہ تو مجھ سے ملے گا ؟ وہ کہے گا : نہیں اللہ تعالیٰ فرمائیں گے (بس سمجھ لے) جس طرح تو نے مجھے فراموش کیا میں نے بھی تجھے فراموش کردیا پھر تیسرا شخص ملے گا اللہ تعالیٰ اس سے وہی بات کریں گے وہ کہے گا میرے رب میں تیری کتاب اور تیرے رسول پر ایمان لایا میں نے نمازیں پڑھیں روزے رکھے صدقے کیے اور جتنی اس سے ہوسکے گی اپنی تعریف کرے گا کہا جائے گا ابھی پتہ چل جائے گا پھر اس سے کہا جائے گا ہم تیرے خلاف اپنا گواہ لاتے ہیں وہ دل میں سوچے گا : خلاف کون گواہی دے گا تو اس کا منہ بند کردیا جائے اس کی ران اس کے گوشت اور اس کی ہڈیوں کو بولنے کا حکم دیا جائے گا بولووہ اس کے عمل کی قلعی کھولیں گی یہ اس لے کہ وہ شرمندہ وہ اور یہ شخص منافق ہوگا جس سے اللہ تعالیٰ ناراض ہوگا۔ (مسلم عن ابوہریرہ )