٣٩٢٠٠۔۔۔ قیامت کے روز اللہ تعالیٰ لوگوں کو ایک میدان میں جمع کرے گا پھر رب العالمین ان کے سامنے ظہور فرمائے گا ارشاد فرمائے گا : خبردار ! ہر انسان جس کی عبادت کرتا تھ اس کے پیچھے چل دے صلیب والے کے سامنے اس کا صلیب تصاویر والے کے سامنے کی تصاویر اور آگ والے سامنے اس کی آگ آجائے گی تو جس کی وہ پر تش کیا کرتے تھے اس کے پیچھے چل پڑیں گے صرف مسلمان رہ جائیں گے رب العالمین ان کے سامنے ظہور فرماکرارشاد فرمائے گا : کیا تم لوگوں کی پیروی نہیں کرتے ؟ وہ کہیں گے : ہم اللہ کی پناہ چاہتے ہیں ہم تجھ سے اللہ کی پناہ چاہتے ہیں اللہ ہمارا رب ہے یہی ہمارے جگہ ہے یہاں تک کہ ہم اپنے رب کو دیکھیں وہ انھیں حکم دے گا اور ثابت قدم رکھے گا۔
لوگوں نے کیا یارسول اللہ ! کیا ہم اللہ تعالیٰ کو دیکھیں گے آپ نے فرمایا : کیا تمہیں چودہویں کے چاند کو دیکھنے میں کوئی مشقت ہوتی ہے ؟ لوگوں نے عرض کیا : یارسول اللہ نہیں ! آپ نے فرمایا : اس کے دیدار میں بھی تمہیں کوئی تکلیف نہیں اٹھانا پڑے گی پھر وہ تجلی ہٹالے گا پھر تجلی فرمائے گا اور انھیں اپنا تعارف کر اوئے گا پھر فرمائے گا : میں ہی تمہارا رب ہوں تم میری پیروی کرو ! چنانچہ مسلمان اٹھ کھڑے ہوں گے اس کے بعد پل صراط رکھا جائے گا تو لوگ اس پر عمدہ گھوڑوں اور سواریوں کی طرح گزریں گے وہ کہہ رہے ہوں گے سلامت رکھ سلامت رکھ اب جہنمی رہ جائیں گے چنانچہ ان کی ایک فوج (جہنم میں) پھینکی جائے گی ارشاد ہوگا اے دوزخ تو بھرگئی ہے وہ کہے گی : کچھ اور ہے پھر ایک فوج پھینکی جائے گی ارشاد ہوگا : کیا تو بھرگئی ہے ؟ وہ کہے گی : کچھ اور ہے یہاں تک کہ وہ سب اس میں پڑجائیں گے رحمن تعالیٰ اس میں اپنے دونوں قدم رکھ دے گا تو وہ سکڑنا شروع ہوجائے گئی تو کہے گی : بس ! بس !
جب اللہ تعالیٰ جنتیوں کو جنت میں اور جہنمیوں کو جہنم میں داخل کردے گا تو موت کو لایا جائے گا اور اسے اس دیوار پر لاکر کھڑا کردیا جائے جو جنتوں اور دوزخیوں کے درمیان ہوگی پھر اعلان ہوگا۔ جہنمیوں تو وہ خوش ہو کر جھانکیں گے کہ شاید کوئی شفاعت کرے گا اور جنتیوں سے کہا جائے گا : کیا اسے پہچانتے ہو ؟ وہ کہیں گے ہاں ہم نے اسے پہچان لیا یہ وہ موت ہے جسے ہم پر مسلط کیا گیا تھا پھر اسے لٹایا جائے گا اور دیوار پر ذبح کیا جائے گا پھر جنتیوں سے کہا جائے گا : ہمیشگی ہے موت نہیں اور کیا جائے گا : جہنمیو ! ہمیشگی اور موت نہیں۔ (ترمذی عن ابوہریرہ )