٣٩٤١٧۔۔۔ اللہ تعالیٰ جب جنتیوں اور جہنمیوں میں فیصلہ کردے اور انھیں ممتاز وجدا کردے گا تو وہ چیخ کر کہیں کے : اے اللہ ! ہمارے پاس تیرا کوئی رسول نہیں آیا ہمیں کسی چیز کا علم نہیں اللہ تعالیٰ ان کی طرف ایک فرشتہ بھیجے گا : جب کہ اللہ تعالیٰ کو ان کے عمل کا خوب علم ہوگا وہ کہے گا میں تمہاری طرف تمہارے رب کا رسول ہوں چلو ! چنانچہ وہ اس کے پیچھے چل پڑیں گے اور آگ کے قریب پہنچ جائیں گے ان سے کہے گا : اللہ تعالیٰ تمہیں حکم دیتا ہے اس میں کود پڑو ! چنانچہ وہ ان کی ایک جماعت میں کود پڑے گی پھر انھیں نکال لیا جائے گا اسی طرح کہ ان کے ساتھیوں کو پتہ بھی نہیں ہوگا اور سابقین مقربین میں شامل کرلیا جائے گا پھر ان کے پاس وہ رسول آکر کہے گا : اللہ تعالیٰ تمہیں آگ میں کودنے کا حکم دیتا ہے تو دوسری جماعت بھی کود پڑے گی انھیں بھی ایسے انداز سے نکال لیا جائے گا کہ ان کے ساتھیوں کو خبر نہیں ہوگی اور انھیں اصحاب الیمین میں شامل کردیا جائے گا پھر ان کے باقی ماندہ کے پاس وہ رسول آکر کہے گا : اللہ تعالیٰ تمہیں آگ میں کودنے کا حکم دیتا ہے وہ کہیں گے ہمارے رب ! تیرے عذاب کو برداشت کرنے کی ہم میں سکت نہیں چنانچہ ان کے بارے حکم ہوگا تو ان کی پیشانیوں اور قدموں سے پکڑ کہ جہنم میں ڈال دیا جائے گا۔ (الحکیم عن عبداللہ بن شداد کہ مشرکین کے چھوٹے بچوں کے بارے میں ایک شخص نے نبی (صلی اللہ علیہ وآلہ وسلم) سے پوچھا جو بچپن میں مرگئے تو آپ نے یہ ارشاد فرمایا تھا)