٣٩٤١٨۔۔۔ سب سے اخیر میں جو شخص جنت میں داخل ہوگا وہ پل صراط پر چل رہا ہوگا کبھی چلے گا اور کبھی ٹھوک رکھا کر گرپڑے گا کبھی اسے آگ کی لپیٹ چھوئے گی جب وہ اس سے گزر جائے گا تو مڑکردیکھے گا اور کہے گا : وہ ذات بابرکت ہے جس نے مجھے اس سے نچات بخشی اللہ تعالیٰ نے مجھے وہ چیز دی ہے جو اولین آخرین کو نہیں عطا کی، پھر اس کے سامنے ایک درخت بلند ہوگا وہ عرض کرے گا : میرے رب ! مجھے اس درخت کے نزدیک کردے تاکہ اس کا سایہ حاصل کروں اور اس کا پانی پیوں اللہ تعالیٰ فرمائیں گے : ابن آدم ! ، میں نے اگر تجھے یہ دیدیا تو مجھ سے اس کے علاوہ کا سوال کرے گا وہ عرض کرے گا نہیں میرے رب ! اور عہد و پیمان کرلے گا کہ وہ سوال نہیں کرے گا اور اس کا رب اس کی بےصبری کی وجہ سے اسے معذور رکھے گا اسے اس درخت کے قریب کردے گا چنانچہ اس کے سائے تلے بیٹھ کر اس کا پانی پیئے گا۔
پھر اس کے سامنے پہلے سے زیادہ اچھا درخت بلند ہوگا وہ عرض کرے گا : میرے رب ! مجھے اس کے نزدیک تاکہ اس کے سائے میں بیٹھوں اور اس کا پانی پیوں اس کے علاوہ تجھ سے کچھ نہیں مانگتا اللہ تعالیٰ فرمائیں گے : ابن آدم ! کیا تو نے مجھ سے وعدہ نہیں کیا ہے کہ مجھ سے مزید کچھ نہیں مانگے گا میں نے تمہیں اگر اس کے نزدیک کردیا تو مجھ سے اور سوال کرنا شروع کردو گے چنانچہ وہ اللہ تعالیٰ کو عہد و پیمان دے گا کہ وہ اس کے سوا کچھ نہیں مانگے گا اور اس کا رب اس کی بےصبری دیکھ کرا سے معذور رکھے گا اور اس کے قریب کردے گا، وہ اس کے سائے سے مستفید ہونے لگے اور اس کا پانی پینے لگے گا۔
پھر جنت کے دروازے کے پاس اس کے سامنے ایک درخت بلند ہوگا جو پہلے دونوں سے زیادہ اچھا ہوگا وہ عرض کرے گا : میرے رب ! مجھے اس سے نزدیک کردے تاکہ اس کے سائے سے لطف اندوز ہوں اور اس کے (چشمہ سے) پانی پیوں میں اس کے علاوہ تجھ سے کچھ نہیں مانگوں کا اللہ تعالیٰ فرمائیں گے : ابن آدم ! کیا تو نے مجھ سے عہد نہیں کیا کہ مجھ سے کچھ نہیں مانگے گا وہ عرض کرے گا : کیوں نہیں میرے رب ! مجھے بس اس کے نزدیک کردے اس کے علاوہ کچھ نہیں مانگو گے اللہ تعالیٰ فرمائیں گے : اگر میں نے تجھے اس کے قریب دیا تو تو مجھ سے کچھ نہیں مانگے گا وہ عہد و پیمان کرے گا کہ اس کی علاوہ کچھ نہیں مانگے گا اور اس کا رب اس کی بےصبری کی وجہ سے اسے معذور رکھے گا اور اس کے قریب کردے گا جب اسے اس کے قریب کردے گا تو وہ جنتیوں کی آوازیں سنے گا (تو پھر کہنے کو جی للچائے گا) اللہ تعالیٰ فرمائیں : ابن آدم ! تو کیسے میرا پیچھا چھوڑے گا ؟ اگر میں تجھے پوری دنیا اور اس جیسی اس کے ساتھ عطا کردوں تو تو راضی ہوجائے گا ؟ وہ عرض کرے گا : میرے رب ! آپ رب العالمین ہو کر مجھے سے مذاق کریں ( مجھے نہیں لگتا) اللہ تعالیٰ فرمائیں : میں تجھ سے مذاق کیا کروں بلکہ میں تو ہر چیز ہر قادر ہوں۔ (مسند احمد مسلم کتاب الایمان دارقم ٣١٠ عن ابی مسعود)