٣٩٤١٩۔۔۔ سب سے ادنیٰ درجہ جنتی وہ شخص ہوگا جس کا چہرہ اللہ تعالیٰ جہنم سے ہٹا کر جنت کی طرف کردے گا اس کے سامنے سایہ داردرخت نمودار ہوگا وہ عرض کریں گا : میرے رب ! مجھے اس درخت تک پہنچادے تاکہ اس کے سائے میں بیٹھوں اللہ تعالیٰ فرمائیں گے : کیا تجھ سے یہ امید کی جاسکتی ہے کہ اگر میں ایسا کردوں تو تم اس کے علاوہ مجھ سے کچھ نہیں مانگو گے وہ عرض کرے گا : میں تیری عزت کی قسم ! تو اللہ تعالیٰ اسے اس کی نزدیک کردے گا پھر اللہ تعالیٰ اس کے سامنے ایک سائے دار اور پھلدار درخت کرین گے وہ عرض کرے گا : میرے رب مجھے اس درخت کے نزدیک کردے تاکہ اس کے سائے تلے بیٹھوں اور اس کا پھل کھاؤں اللہ تعالیٰ اس سے فرمائیں گے کیا تم سے یہ امید کی جاسکتی ہے کہ اگر تجھے یہ عطا کردوں تو مجھ سے مزید کچھ نہیں مانگو گے وہ عرض کرے گا : نہیں تیری ذات کی قسم ! چنانچہ اللہ تعالیٰ اسے اس کے نزدیک کردے گا۔
پھر اللہ تعالیٰ اس کے سامنے ایک سائے دار پھلدار اور چشمہ والا درخت پیش کردے گا وہ عرض کرے گا : میرے رب ! مجھے اس درخت کے قریب کردے تاکہ اس کا سایہ حاصل کروں اس کا پھل کھاؤں اور اس کا پانی پیوں اللہ تعالیٰ اس سے فرمائیں گے : کیا تجھ سے یہ امید کی جاسکتی ہے کہ مجھ سے اس کے علاوہ کچھ نہیں مانگو گے وہ عرض کرے گا : میں تیری عزت کی قسم ! میں تجھ سے کچھ نہ مانگو گا چنانچہ اللہ تعالیٰ اسے اس کے نزدیک کردے گا اس کے سامنے کا دروازہ ہوگا عرض کرے گا : میرے رب ! مجھے جنت کے دروازے کے پاس کردے تاکہ جنت کی چوکھٹ کے نیچے ہو کر جنتی لوگوں کو دیکھوں اللہ تعالیٰ اسے جنت کے نزدیک کردے گا وہ جنت اور اس کی نعمتوں کو دیکھے گا عرض کرے گا : میرے رب ! مجھے جنت میں (ہی) داخل کردے چنانچہ اللہ تعالیٰ اسے جنت میں داخل کردے گا جب جنت میں داخل ہوجائے گا عرض کرے گا : یہ میرے لیے ہے ؟ اللہ تعالیٰ فرمائیں گے : اور مانگو وہ تمنا کرے گا پھر اللہ تعالیٰ اسے یاددلائیں گے یہ مانگو یہ مانگو ! جب اس کی تمنائیں ختم ہوجائیں گی اللہ تعالیٰ فرمائیں گے : یہ تیرے لیے اور اب جیسا دس گنا مزید تیرے لیے اور ہے پھر اسے جنت میں داخل کرے گا اس کے پاس اس کی دوبیویاں حورعین آئیں گی وہ دونوں کہیں گی : تمام تعریفیں اس کے اللہ کے لیے جس نے تجھے مرے لیے اور ہمیں تمہارے لیے زندگی بخشی ! وہ کہے گا : جو کچھ مجھے ملا کسی کو نہیں ملا اور سب سے کم درجہ عذاب والا وہ جہنمی ہوگا جیسے آگ کے جوتے پہنچائے جائیں گے جس سے اس کا دماغ کھولے گا۔ (مسند احمد مسلم عن ابی سعید)