٣٩٤٣١۔۔۔ سب سے آخر میں جو شخص جنت میں جائے گا وہ ہوگا جو بل صراط پر پیٹ سے پیٹھ کے بل گرے گا جیسے کسی بچہ کو اس کا باپ مارے پیٹے اور وہ اس سے (جان چھڑانے کے لیے) بھاگے اس کا عمل اسے چلانے سے عاجزہوگا وہ عرض کرے گا : میرے رب ! مجھے جنت میں پہنچا اور جہنم سے نجات دے اللہ تعالیٰ اس کی طرف پیام بھیجے گا : میرے بندے میں تجھے جہنم سے نجات دے کر جنت میں داخل کردوں پر تو میرے لیے اپنے گناہوں اور خطاؤں کا اعتراف کردے بندہ عرض کرے گا : ٹھیک ہے میرے رب ! تیری عزت و جلال کی قسم ! اگر آپ نے مجھے جہنم سے نجات دی تو میں آپ کے لیے ضرور اپنے گناہوں اور خطاؤں کا اقرار کروں گا چنانچہ وہ پل پار کرجائے گا اور دل ہی دل میں کہے گا : اگر میں نے اللہ تعالیٰ کے سامنے اپنے گناہوں کا اعتراف کردیا تو اللہ تعالیٰ اس کی طرف پیام بھیجے گا : میرے بندے ! اگر تو نے میرے لیے اپنے گناہوں اور خطاؤں کا اعتراف کرلیا تو میں انھیں معاف کرکے تجھے جنت میں داخل کردوں گا بندہ عرض کرے گا : تیر عزت و جلال کی قسم ! میں نے کوئی گناہ نہیں اور نہ کبھی کوئی خطا کی اللہ تعالیٰ اس کی طرف پیام بھیجے گا : اے میرے بندے ! میرے پاس تیرے خلاف گواہ ہے بندہ دائیں بائیں دیکھے گا تو دنیا میں موجود اسے کوئی نظر نہیں آئے گا عرض کرے گا : میرے رب ! مجھے اپنا گواہ دکھا ! اللہ تعالیٰ اس کی کھال کو چھوٹے گناہوں کے بارے میں بولنے کا حکم دے گا : بندہ جب یہ کیفیت دیکھے گا تو عرض کرے گا : میرے رب ! میرے تو بڑے اور پوشیدہ گناہ ہیں اللہ تعالیٰ اس کی طرف پیام بھیجے گا : میرے بندے ! میں انھیں تجھ سے زیادہ جانتا ہوں میرے لیے ان کا اعتراف کردے میں انھیں معاف کرکے تجھے جنت میں داخل کردوں کا چنانچہ بندہ ان کا اعتراف کرلے گا تو اللہ تعالیٰ اسے جنت میں داخل کردے گا یہ کم سے کم درجہ جنتی کا حال ہے اس سے اوپر والے کا کیا حال ہوگا (طبرانی عن ابی امامۃ وحسن)