٣٩٤٣٢۔۔۔ سب سے آخر میں جہنم سے دو آدمی نکلیں گے اللہ تعالیٰ ان میں سے ایک سے فرمائیں گے ابن آدم ! تو نے اس دن کے لیے کیا تیاری کی کیا تو نے کبھی کوئی نیکی کی کیا تجھے مجھ سے امید تھی ؟ وہ عرض کرے گا : نہیں میرے رب اسے جہنم بھیجنے کا حکم ہوگا جہنمیوں میں سے اس سب سے زیادہ حسرت ہوگی اور دوسرے سے اللہ تعالیٰ فرمائیں گے : ابن آدم ! تو نے دن کے لیے کیا تیاری کی کیا تو نے کبھی کوئی نیکی کی کیا تجھے مجھ سے ملنے کی امید تھی ؟ وہ عرض کرے گا : نہیں میرے رب ! البتہ مجھے تجھ سے ملنے کی امید تھی تو اس کے سامنے ایک درخت بلند ہوگا وہ عرض کرے گا : میرے رب ! مجھے اس درخت کے نیچے ٹھہرادے تاکہ اس کا سایہ حاصل کروں اس کا پھل کھاؤں اور اس کا پانی پیوں اور یہ عہد کرے گا کہ اس کے علاوہ کچھ نہیں مانگے گا چنانچہ اللہ تعالیٰ اسے اس درخت کے نیچے ٹھہرادے گا۔
پھر اس کے سامنے دوسرا درخت بلند ہوگا جو پہلے سے زیادہ اچھا اور زیادہ پانی والا ہوگا وہ عرض کرے گا : میرے رب ! مجھے اس درخت تلے ٹھہرادے اس کے سوا کوئی سوال نہیں کروں گا تاکہ اس کا سایہ حاصل کروں اس کا پھل کھاؤ اور اس کا پانی پیوں اللہ تعالیٰ فرمائیں گے ابن آدم ! کیا تو نے مجھ سے عہد نہیں کیا کہ اس کے سوا کوئی سوال نہیں کرے گا : وہ عرض کرے گا : کیوں نہیں میرے رب ! بس یہ دیدے اس کے علاوہ کوئی سوال نہیں کروں گا چنانچہ اللہ تعالیٰ اسے اس کے نیچے ٹھہرادے گا پھر اس کے سامنے جنت کے دروازے کے پاس ایک درخت بلند ہوگا جو پہلے دونوں سے اچھا اور زیادہ پانی والا ہوگا وہ عرض کرے گا : میرے رب ! مجھے اس کے نیچے ٹھہرادے اللہ تعالیٰ اسے کے نیچے ٹھہرادے گا اوعر عہد کرے گا کہ وہ اس کے علاوہ کوئی سوال نہیں کرے گا وہاں وہ جنتیوں کی آوازیں سنے گا اور اس سے صبر نہ ہوسکے گا عرض کرے گا : میرے رب ! مجھے جنت میں داخل کردے ! اللہ تعالیٰ فرمائیں گے : مانگو اور تمنا کرو ! چنانچہ وہ دنیا کے تین دن کے برابر مانگے گا اور تمنا کرے گا اور اللہ تعالیٰ اسے ایسی باتوں کی تلقین کرے جن کا اسے علم نہیں ہوگا پھر وہ مانگے اور تمنا کرے گا جب فارغ ہوجائے گا اللہ تعالیٰ فرمائیں گے تیرے لیے یہ سب کچھ اور اس جیسا اور حضرت ابو ہریرہ (رض) نے فرمایا : اس جیسا دس گنا اور۔ (مسند احمد عبدبن حمید عن ابی سعید وابل ھرمرۃ)