٣٩٥٤٩۔۔۔ شفاعت تو میری امت کے لوگوں کے لیے ہوگی جنہوں نے کبیرہ گناہ اور (بغیر توبہ) مرگئے ان میں سے کوئی تو جہنم کے پہلے دروازے میں ہوں گے نہ ان کے چہرے سیاہ ہوں گے نہ ان کی آنکھیں نیلی ہوں گی نہ انھیں طوق پہنائے جائیں گے اور نہ شیاطین کے ساتھ جکڑے جائیں گے اور نہ انھیں گرزوں سے مارا جانے کا اور نہ وہ (جہنم کے) طبقات میں چیخیں گے ان میں سے کوئی تو گھڑی بھر رو کر نکال لیا جائے گا اور کوئی مہنہ بھر کر نکالا جائے گا اور کوئی سال کا عرصہ رہ کر نکالا جائے گا اور سب سے زیادہ عرصہ رہنے والا وہ ہوگا وج دنیا کی طرف رہا جب سے وہ پیدا کی گئی اور فنا ہونے تک تو یہ سات ہزار سال ہیں پھر اللہ تعالیٰ جب مومن (ذات وصفات میں اللہ تعالیٰ کو اکیلا ماننے والوں ) کو نکالنے کا ارادہ کرے گا تو دوسرے مذاہب والوں کے دلوں میں ڈالے ھا وہ ان سے کہیں گے : ہم اور تم دونوں اکٹھے دنیا میں رہے تم ایمان لائے ہم نے کفر کیا تم نے تصدیق کی ہم نے تکذیب کی تم نے اقرار کرتے رہے لیکن تمہیں اس کا فائدہ ہوا ؟ آج ہم اور تم سب اس میں برابر ہیں جیسا تمہیں عذاب ہوتا ہے تمہیں بھی ہورہا ہے اور جیسے تم ہمیشہ رہوگے ہم بھی رہیں گے تو اس وقت اللہ تعالیٰ ایسے ناراض ہوں گے کہ ایسے بھی ناراض نہیں ہوئے اور نہ کبھی ناراض ہوں گے چنانچہ توحید والوں کو نکال کر ایک چشمہ پر لائے گے جو جنت وپل صراط کے درمیان ہوگا جس کا نام نہر حیات ہے (وہاں) ان پر پانی چھڑکا جائے گا جس سے وہ ایسے اگیں گے جیسے سیلاب کے بہاؤ میں دانہ اگتا ہے جو سائے کے قریب ہوگا وہ منبر ہوگا اور جو دھوپ میں ہوگا وہ زرد ہوگا وہ جنت میں داخل ہوں گے ان کی پیشانیوں پر لکھا ہوگا آگ سے اللہ تعالیٰ کے آزاد کردہ صرف ایک آدمی رہ جائے گا جوان کے بعد ہزار سال اس میں رہے گا پھر وہ پکارے گا : اے رحم کرنے والے گا : اے احسان کرنے والے ! اللہ تعالیٰ اس کی طرف ایک فرشتہ بھیجے تاکہ اسے نکال لائے چنانچہ وہ اس کی تلاش میں ستر سال غوطہ لگائے لیکن اسے نہ لاسکا واپس آکر کہے گا : آپ نے مجھے اپنے بندو کو جہنم سے نکالنے کا حکم دیا اور میں نے اسے ستر سال سے تلاش کیا لیکن میں اسے نہ پاسکا اللہ تعالیٰ فرمائیں گے جاؤ وہ فلاں وادی میں فلانی چٹان کے نیچے ہے اسے نکال لاؤ چنانچہ وہ اسے نکال کر لائے گا اور اسے جنت میں داخل کردے گا۔ (الحکیم عن ابوہریرہ )