٣٩٥٥٠۔۔۔ میں نے ایک خواب دیکاھ جو سچ ہے اسے سمجھو ! میرے پاس ایک شخص آیا اور میرا ہاتھ پکڑ کر مجھے اپنے پیچھے چلا کر ایک لمبے خوفناک پہاڑ پر لے گیا اور مجھ سے کہا : اس پر چڑھو ! میں نے کہا : میں نہیں چڑھ سکتا اس نے کہا : میں آپ کی مدد کرتا ہوں تو جیسے ہی میں نے اپنا قدم چڑھنے کے لیے سیڑھی پر رکھا تو ہم پہاڑ کی درمیانی جگہ میں پہنچ گئے پم چلتے گئے اچانک ہمیں ایسے مرد عورتیں نظر آئے جن کی باچھیں پھٹی ہوئی ہیں میں نے کہا یہ کون ہیں ؟ اس نے کہا : یہ وہ لوگ ہیں جو کہتے ہیں ویسا کرتے نہ تھے پھر ہم چلے یہاں تک ہمیں ایسے مرد وخواتین نظر آئے جن کی آنکھوں اور کانوں میں سلائیاں پھری گئی ہیں میں نے کہا : یہ کون ہیں ؟ کہا : یہ لوگ ان دیکھی اور ان سنی باتوں کا دعویٰ کیا کرتے تھے پھر ہم چکے تو ہمیں ایسی عورتیں نظر آئیں جو اپنی ایڑیوں کے بل لٹکی ہوئی تھیں ان کے سر سیدھے تھے سانپ ان کے پستانوں پر ڈس رہے تھے میں نے کہا : یہ کون ہیں ؟ تو اس نے کہا : یہ وہ ہیں جو اپنے بچوں کو دودھ نہیں پلاتی تھیں۔ پھر ہم چلے تو ایڑیوں کے بل لٹکے ہوئے ان کے سر سیدھے ہیں جو تھوڑا پانی اور کیچڑ چاٹ رہے ہیں میں نے کہا : یہ کون ہیں ؟ تو اس نے کہا : یہ وہ لوگ ہیں جو روزہ رکھتے اور روزہ کے وقت سے پہلے افطار کرلیتے تھے، پھر ہم چلے تو ہمیں ایسے مرد و خواتین نظر آئیں جن کی صورت بےحد بری اور ان کا لباس بڑا برا ہے ان سے سخت بدبو آرہی ہے جیسے بیت الخلا کی بدبو ہوتی ہے میں نے کہا : یہ کون لوگ ہیں ؟ کہا : یہ زانی مرد اور عورتیں ہیں پھر ہم چلے تو ہمیں مردے نظر آئے جو بہت زیادہ پھولے اور بدبودار ہیں ، میں نے کہا : یہ کون ہیں ؟ یہ کافروں کے مردے ہیں پھر ہم چلے تو ہمیں ایک دھواں دکھائی دیا اور ایک ھونک کی سی آواز سنائی دی میں نے کہا : یہ کیا ہے، کہا : یہ جہنم ہے اسے چھوڑو پھر پہلے تو ہمیں دوختوں کے سائے تلے کچھ مرد سوئے نظر آئے میں نے کہا : یہ کون ہیں کہا : یہ مسلمانوں کے مردے ہیں۔
پھر ہم چلے تو ہمیں آٹھ نوجوان لڑکے اور حوریں دونہروں کے مابین کھیلتی نظر آئیں میں نے ککہا : یہ کون ہیں ؟ اس نے کہا : مسلمانوں کے بچے ہی پھر ہم چلے تو ہمیں بہت خوبصورت مرداچھے لباس اور اچھی خوشبو والے نظر آئے جیسے ان کے چہرے ورق ہیں میں نے کہا : یہ کون ہیں ؟ کہا : یہ صدیقین شہداء اور صالحین ہیں پھر ہم چلے تو ہمیں تین آدمی شراب پیتے اور گاتے نظر آئے میں نے کہا : یہ کون ہیں ؟ کہا : یہ زیدبن حارثہ جعفر بن ابی طالب عبداللہ بن رواحہ ہیں تو میں ان کی جانب مڑا تو وہ کہنے لگے : ہم آپ پر فدا پھر میں نے سر اٹھایا تو عرش کے نیچے تین آدمی تھے میں نے کہا : یہ کون ہیں ؟ کہا : یہ آپ کے جدامجد ابراہیم موسیٰ اور عیسیٰ (علیہ السلام) کی وہ آپ کا انتظار کررہے ہیں۔ (طبرانی فی البکر حاکم بیھقی فی عذاب القبر سعید بن مھصور عن ابی امامۃ)