٣٩٥٥٣۔۔۔ قیامت کے روز پاگل زمان فترت (دونیبوں کا درمیانی زمانہ) فوت ہونے والے اور بچپن میں مرنے والے کو لایا جائے گا پاگل کہے گا : میرے رب ! اگر آپ مجھے عقل عطا کرتے تو جسے آپ نے عقل دی وہ مجھ جیسا سعادت مند نہ ہوتا اور زمانہ فترت میں فوت ہونے والا کہے گا : میرے رب ! اگر میرے پاس تیرا وعدہ (توحید و رسالت) آتا جو جس کے پاس آیا وہ مجھ سے زیادہ تیرے عہد میں نیک بخت نہ ہوتا اور بچپن میں ہلاک ہونے ولاک ہے گا : میرے رب ! اگر تو مجھے وہ دیتا جو آپ نے عمر والے کو دی تو وہ اپنی عمر میں مجھ سے زیادہ سعادت مندنہ ہوتا۔
تو اللہ تعالیٰ فرمائیں گے : میں تمہیں ایک کام کا حکم دینے لگاہوں کیا تم میری بات مانوگے وہ عرض کریں گے : میری عزت کی قسم ! جی ہاں اللہ تعالیٰ فرمائیں گے جاؤ ! جہنم میں داخل ہوجاؤ ! وہ اگر داخل ہوجائے تو انھیں کوئی نقصان نہ پہنچاتی تو ان کی جانب آگ کے شعلے نکلیں گے وہ سمجھیں گے یہ اللہ تعالیٰ کی ہر مخلوق کو ختم کردیں گے اللہ تعالیٰ انھیں حکم دے گا وہ جلدی سے واپس آجائیں گے ؟ کہیں گے : ہمارے رب ! ہم داخل ہونا چاہتے تھے تو ہمارے اوپر شعلے نکلنا شروع ہوگئے اس لیے ہم نکل آئے ہم سمجھے کہ وہ اللہ تعالیٰ کی ساری مخلوق کو ہلاک کردیں گے اللہ تعالیٰ دوسری مرتبہ حکم دے گا پھر وہ اسی طرح واپس آجائیں گے اور اسی طرح کی بات کریں گے اللہ تعالیٰ فرمائیں گے : تمہاری پیدائش سے پہلے مجھے علم تھا جو کچھ تم کروگے اپنے علم کے مطابق میں نے تمہیں پیدا کیا اور میرے علم کی طرف تم لوٹوگے اے جہنم ! انھیں سمیٹ ! چنانچہ جہنم انھیں پکڑلے گی۔ (الحکیم طبرانی حلیۃ الاولیاء عن معاذبن جبل)
کلام :۔۔۔ المتناھیۃ ١٥٤٠