٣٩٥٥٤۔۔۔ جب قیامت کا دن ہوگا تو اہل جاہلیت اپنے بتوں کو اپنی پیٹھوں پر لادے آرہے ہوں گے اللہ تعالیٰ ان سے پوچھے گا وہ عرض کریں گے : آپ نے ہماری طرف نہ کوئی رسول بھیجا اور نہ کوئی دین آیا اگر آپ کوئی رسول بھیجتے تو ہم آپ کے سب سے زیادہ اطاعت گزار بندے ہوتے ان کا رب ان سے فرمائے گا : تمہارا کیا خیال ہے۔ (اب) اگر میں تمہیں کسی بات کا حکم دوں تو میرے مانوگے ؟ ورعرض کریں گے : جی ہاں اللہ تعالیٰ انھیں حکم دے گا کہ جہنم سے گزرو ! وہ اس میں داخل ہوں گے چلتے چلتے جب اس کے قریب ہوں گے تو اس کی چیخ دھاڑ اور غیظ وغضب سنیں گے تو اپنے رب کے پاس واپس آجائیں گے عرض کریں گے : ہمارے رب ! ہمیں اس سے نکال لے اللہ تعالیٰ فرمائے گا کیا تمہارا خیال نہیں کہ میں نے تمہیں ایک کام کہا تھا جس کی تم نے فرمان برداری کرنا تھی پھر ان سے عہد و پیمان لے گا اور کہے گا : اس کی طرف جاؤ چنانچہ وہ جائیں گے جب اسے دیکھیں گے تو ڈر کر واپس آکر کہیں گے : ہمارے رب ! ہم تو اس سے ڈرگئے ہم اس میں داخل نہیں ہوسکتے اللہ تعالیٰ فرمائیں گے : ذلیل ہو کر اس میں داخل ہوجاؤ رسول اللہ (صلی اللہ علیہ وآلہ وسلم) نے فرمایا : وہ اگر اس میں پہلی مرتبہ ہی داخل ہوجائے تو اسے سلامتی والی اور ٹھنڈی پائے۔ (نسائی ، حاکم ، ابن مردویہ عن ثوبان)