٣٩٥٨٧۔۔۔ (مسند عمر) سلیمان بن الربیع العدوی سے روایت ہے فرمایا : میں بصرہ سے کچھ عبادت گزار لوگوں کے ساتھ نکلا پھر ہم مکہ آئے تو ہماری ملاقات عبداللہ بن عمرو سے ہوئی انھوں نے فرمایا : عنقریب بنوقنطورا خراسانیوں اور کیسانیوں کو سختی سے ہنکائی گے پھر وہ اپنے گھوڑے دجلہ کے کنارے لگی کھجوروں سے باندھ دیں گے پھر فرمایا : بصرہ سے ایلہ تک کا فاصلہ کتنا ہے ؟ ہم نے کہا : چار فرسخ، فرمایا : وہ آکر وہاں اتری گے پھر اہل بصرہ کی طرف پیام بھیجیں گے : کہ یا ہمارے لیے اپنی زمین خالی کردویا ہم تمہاری طرف چل کر آئیں تو اہل بصرہ ہے تین گروہ ہوجائیں گے ایک گروہ جنگل میں چلا جائے گا ایک کوفہ سے جاملے گا اور ایک فرقہ ان (حملہ آوروں) سے جاملے گا اس کے بعد وہ سال بھر ٹھہریں گے پھر کوفہ کی طرف پیام بھیجیں گے : یا ہماری لیے اپنی زمین خالی کردو یا ہم تمہاری طرف چل کر آئیں تو ان کی تین ٹولیا اں ہوجائیں گی ایک ٹولی شام سے جاملے گی ایک جماعت جنگل میں چلی جائے گی ایک ٹولی ان (حملہ آوروں) سے جاملی گی فرمایا : ہم حضرت عمر (رض) سے اور آپ سے وہ بات بیان کی جو عبداللہ بن عمرو سے سنی تھی آپ نے فرمایا : عبداللہ بن عمرو جو کہہ رہے تھے اسے زیادہ جانتے ہیں لوگوں میں اعلان ہوا نماز باجماعت تیار ہے حضرت عمر (رض) نے خطبہ دیا فرمایا : میں نے رسول اللہ (صلی اللہ علیہ وآلہ وسلم) کو فرماتے سنا : میری امت کا ایک گروہ ضرورحق پر قائم رہے گا یہاں تک اللہ تعالیٰ کا حکم (قیامت) آجائے “ ہم نے عرض کیا : یہ عبداللہ بن عمرو کی حدیث کے خلاف ہے چنانچہ ہم عبداللہ بن عمرو سے ملے اور حضرت عمر (رض) جو فرمایا ان سے کہہ دیا تو انھوں نے فرمایا : ہاں جب اللہ تعالیٰ کا حکم آئے گا تو جو حکم آئے گا تو جو میں نے کہا وہ بھی ہوجائے گا، ہم نے کہا : ہم سمجھتے ہیں آپ نے سچ فرمایا ہے۔ (ابن جریر و صحیحہ بیھقی فی البعث)