٣٩٥٨٨۔۔۔ (مسندعمر) قتادۃ ابوالاسود سے روایت کرتے ہیں فرمایا : میں اور زرعۃ بن ضمرہ اشعری کے ساتھ حضرت عمر بن خطاب (رض) کے پاس گئے۔ (راستہ میں) ہماری ملاقات عبداللہ بن عمرو سے ہوگئی آپ نے فرمایا : عنقریب عجم کی زمین میں کوئی عربی باقی نہیں رہے گا کوئی مقتول یاقیدی جس کے خون کا فیصلہ کیا جانے لگے تو زرعۃ نے ان سے کہا : کیا مشرکین مسلمانوں پر غلبہ پالیں گے ؟ آپ نے فرمایا : تم کس قبیلہ سے ہو کہا : بنی عامر بن صعصعہ سے فرمایا : جب تک بنی عامر بن صعصعہ کے کندھے ذی الخلصۃ پر ایک بت جو جاہلیت کا کوئی بت تھا۔ آپس ٹکرائیں تو ہم ملاقات کے وقت حضرت عمر (رض) سے عبداللہ بن عمرو کا قول ذکر کیا آپ نے تین بار فرمایا : عبداللہ جو کہتے ہیں اسے زیادہ جانتے ہیں پھر حضرت عمر (رض) نے جمعہ کا خطبہ دیا فرمایا : کہ رسول اللہ (صلی اللہ علیہ وآلہ وسلم) نے فرمایا : کہ میری امت کا ایک ٹکڑا ہمیشہ حق پر کار بند رہے گا ان کی مدد کی جائے گی یہاں تک کہ اللہ تعالیٰ کا حکم (قیامت) آجائے پھر ہم نے عبداللہ بن عمرو سے حضرت عمر (رض) کی بات نقل کی تو عبداللہ بن عمرو نے فرمایا : اللہ کے نبی (صلی اللہ علیہ وآلہ وسلم) نے سچ فرمایا : جب اللہ تعالیٰ کا حکم آئے اور وہ بھی ہوجائے گا جو میں نے کہا ہے۔ (ابن راھویہ قال الحافظ ابن حجر رجالہ ثقات لکن فیہ انقطاع میں قتادۃ وابی الاسود)